സൂഫികളുടെ മൊഴിമുത്തുകൾ (141-145) || Sufi Quotes in Malayalam || Alif Ahad | Rumi

(141)

അക്രമാസക്തമായ

ഈ 

ലോകത്ത്

പ്രണയികൾ

ശാന്തമായ

രഹസ്യ 

ഇടങ്ങൾ

കണ്ടെത്തും.

അവിടെ അവർ

പ്രണയലാവണ്യത്താൽ

വ്യവഹരിക്കും.

_ റൂമി (റ)

_________________________

(142)

വിപത്തുകൾ

നിന്നെ 

വേട്ടയാടുന്നുവെങ്കിൽ

നീ 

തിരിച്ചറിയുക,

ശേഷം 

ഒരു 

പൂർണ്ണ

സൗഖ്യം

നിനക്കായ്

സൂക്ഷിച്ച് വെക്കപ്പെട്ടിരിക്കുന്നു.

_ സിരിയ്യുസ്സിഖ്തി (റ)

_________________________

(143)

നിനക്കു

നൽകപ്പെട്ട

അനുഗ്രഹങ്ങളെ

മറന്ന്

നീ

അശ്രദ്ധനായി

ജീവിക്കുന്നുവെങ്കിൽ

നീ

പ്രതീക്ഷിക്കാത്ത 

നേരം

ആ 

അനുഗ്രഹങ്ങൾ

നിന്നിൽ 

നിന്നും

ഉയർത്തപ്പെടാം.

_ സിരിയ്യുസ്സിഖ്തി (റ)

_________________________

(144)

പുലർക്കാലമെല്ലാം

ഞാൻ 

ആരംഭിച്ചത് 

എന്റെ 

ഹൃദയനാഥനെ

പ്രണയിച്ചുകൊണ്ടായിരുന്നു.

എന്റെ 

സായംകാലം

ഞാൻ

പൂർത്തിയാക്കിയതോ,

അവനെ

വാഴ്ത്തിക്കൊണ്ടുമായിരുന്നു.

_ ഉവൈസുൽ ഖറനി (റ)

_________________________

(145)

സ്വന്തം 

ന്യൂനതകൾ

കാണാതെ

മറ്റുള്ളവരുടെ

ന്യൂനതകൾക്ക്

പിറകേ 

പോകുന്നവൻ

പരാജയപ്പെട്ടുകൊണ്ടിരിക്കുകയാണ്

എന്നതിന്റെ

അടയാളമാണ്.

_ സിരിയ്യുസ്സിഖ്തി (റ)

_________________________

സൂഫികളുടെ മൊഴിമുത്തുകൾ (136-140) || Sufi Quotes in Malayalam || Alif Ahad | Rumi

(136)

ഈ 

നിമഷം

നീ

എവിടെയാണോ

അവിടം

നിനക്ക് 

വേണ്ടി

ഒരു 

ഭൂപടത്തിൽ

പ്രപഞ്ചനാഥൻ

വൃത്തം വരച്ചടയാളപ്പെടുത്തിയതാണ്.

_ ഹാഫിസ് 

_________________________

(137)

പ്രപഞ്ചയാഥാർത്ഥ്യം

തിരിച്ചറിഞ്ഞ 

വ്യക്തികളുടെ 

സംസാരങ്ങളിൽ 

ഈ 

നാലു 

കാര്യങ്ങൾ 

കാണാം.

1. പ്രപഞ്ചനാഥനോടുള്ള

 പ്രണയം.

2. നൈമിഷികമായതിനോടുള്ള 

നീരസം.

3. നാഥന്റെ വിധിവിലക്കുകളോടുള്ള

അനുസരണ.

4. അനുഭവിച്ച്

 കൊണ്ടിരിക്കുന്ന

 പ്രണയോന്മാദത്തിൽ

 നിന്നും 

 വ്യതിചലിക്കുമോ 

എന്ന 

ഭയം.

_ ദുന്നൂനുൽ മിസ്വ്രി (റ)

_________________________

(138)

അവൻ

ഏകനെന്നത്

അവിതർക്കിതമാണ്.

അവൻ 

ഒരു 

വസ്തുവിൽ

ഇറങ്ങുകയോ

അവനിൽ 

മറ്റൊരു

വസ്തു 

ഇറങ്ങുകയോ

അവനും

മറ്റൊരു 

വസ്തുവും

ഏകമാവുകയോ

(ഒന്നായിത്തീരുകയോ)

ചെയ്യില്ല.

_ ഇബ്നു അറബി (റ)

_________________________

(139)

നിനക്ക്

നൽകപ്പെടുന്ന

ക്ലേശതയും

കഷ്ടപ്പാടുകളും

പൂർണ്ണമനസ്സോടെ

നീ 

സ്വീകരിക്കുമ്പോൾ

അവനിലേക്കുള്ള

വാതിൽ

താനേ 

തുറക്കപ്പെടും.

_ റൂമി (റ)

_________________________

(140)

ഒരാളുടെ 

പ്രഭാതം 

ദുനിയാവിന്റെ 

കാര്യം

ചിന്തിച്ച് 

കൊണ്ടുള്ള

ദുഃഖത്തോടെയാണങ്കിൽ

അവൻ 

തന്റെ

നാഥനോട്

കോപിച്ചു 

കൊണ്ടാണ്

പ്രഭാതത്തിൽ

പ്രവേശിച്ചിരിക്കുന്നത്.

_ ഫർഖദുസ്സബ്ഹി (റ)

_________________________

സൂഫികളുടെ മൊഴിമുത്തുകൾ (131-135) || Sufi Quotes in Malayalam || Alif Ahad | Rumi | Attar | അത്താർ | മൗലാനാ ജലാലുദ്ധീൻ റൂമി | മഹ്മൂദ് ശബിസ്തരി | മൻത്വിഖു ത്വൈർ | ബായസീദ് ബിസ്താമി

(131)

തത്ത്വചിന്തകൻ 

തന്റെ

രണ്ട് 

കണ്ണുകൾ 

കൊണ്ട്

ദ്വിത്വത്തെ

ദർശിക്കുന്നു.

അതുകൊണ്ട്

അവന് 

യാഥാർത്ഥ്യത്തിന്റെ

ഏകത്വത്തെ

കാണാനാവുന്നില്ല.

_ മഹ്മൂദ് ശബിസ്തരി (റ)

_________________________

(132)

നിങ്ങൾ 

നിങ്ങളുടെ 

ചതിയും 

വഞ്ചനയും

ദേഹേച്ഛകളും

ഉപേക്ഷിക്കുക.

നിഷേധം 

കാരണമുള്ള

നിങ്ങളുടെ 

വേദനകളിൽ 

നിന്നും

മനോദുഃഖങ്ങളിൽ

നിന്നും

രക്ഷ 

നേടുക.

ആത്മാവിനെ

സ്വന്തമാക്കിയവൻ

നഫ്സിൽ 

നിന്നും

രക്ഷ 

നേടി.

അനശ്വര

പ്രണയത്തിന്റെ

വഴിയിൽ

അവൻ 

പ്രവേശിച്ചു.

_ മൻത്വിഖു ത്വൈർ

_________________________

(133)

ആഗ്രഹങ്ങളും

ആശകളും

നിറഞ്ഞുനിൽക്കുന്ന

മഹാ വനത്തിൽ 

എനിക്കെന്റെ 

മനോരഥം

നഷ്ടപ്പെട്ടു.

അപ്പോൾ

എനിക്കെന്റെ

ആത്മരഥം 

കണ്ടെത്താനായി.

_ ബായസീദ് ബിസ്താമി (റ)

_________________________

(134)

നിനക്ക്

പ്രാപഞ്ചിക

രഹസ്യങ്ങൾ

അറിയേണ്ടതുണ്ടോ ?

എങ്കിൽ 

നീ

പ്രകീർത്തിയെയും

അപകീർത്തിയെയും

മറന്നേക്ക്.

നീ 

ദൈവത്തെ

പ്രണയിക്കുന്നവനാണ്,

എന്നിട്ടും 

നീ

ജനങ്ങളുടെ 

വാക്ക് 

കേട്ട്

ആകുലപ്പെടുകയോ!?

_ റൂമി (റ)

_________________________

(135)

ഈ 

മനുഷ്യനൊരു

അതിഥിമന്ദിരം

പോലെയാണ്.

ഓരോ 

പ്രഭാതവും

പുതിയ

അതിഥികളുടെ

ആഗമനങ്ങൾ.

വരുന്നു

അപ്രതീക്ഷിത

സന്ദർശകരായി...

ഒരു ആഹ്ലാദം,

ഒരു വിഷാദം,

ഒരു നീചത്വം,

ചില 

നൈമിഷിക

അവബോധങ്ങളും

_ റൂമി (റ)

_________________________

സൂഫികളുടെ മൊഴിമുത്തുകൾ (126-130) || Sufi Quotes in Malayalam || Alif Ahad | Rumi | മൗലാനാ ജലാലുദ്ധീൻ റൂമി | ദുന്നൂ നുൽ മിസ്വ്രി | ബായസീദുൽ ബിസ്ത്വാമി

(126)

അന്യന്റെ 

ന്യൂനതകൾ

ശ്രദ്ധിക്കുന്നതിന്

പകരം

നീ 

നിന്റെ 

ന്യൂനതകൾ

ശ്രദ്ധിക്കുക.

അവരെ 

നിരീക്ഷിക്കാൻ 

നിന്നെ

ഏൽപ്പിച്ചിട്ടില്ലല്ലോ..

_ ദുന്നൂനുൽ മിസ്വ്രീ (റ)

_________________________

(127)

വന്നു

പോകുന്നതിനെയോ

ഉദിച്ച് അസ്തമിക്കുന്നതിനെയോ

അല്ല 

ഞാൻ 

പ്രണയിക്കുന്നത്.

_ റൂമി (റ)

_________________________

(128)

മൗനദീപ്തിയെക്കാൾ

അത്യുജ്ജ്വലമായി

ശോഭിക്കുന്ന

ഒരു 

വിളക്കിന്റെ

ശോഭയവും

ഞാനിതുവരെ 

കണ്ടിട്ടില്ല.

_ ബാ യസീദുൽ ബിസ്ത്വാമി (റ)

_________________________

(129)

ഞാൻ 

പുറത്ത്

മൗനിയായിരുന്നപ്പോഴും

എന്റെയുള്ളിൽ

ഒളിഞ്ഞ് 

കിടന്നിരുന്നത്

ഘോരമായ

ഇടിമുഴക്കങ്ങളായിരുന്നു.

_ റൂമി (റ)

_________________________

(130)

ഞാനൊരിക്കൽ 

ഒരു 

വൃദ്ധനോട് 

ചോദിച്ചു:

പ്രണയിക്കുന്നതാണോ

അതോ പ്രണയിക്കപ്പെടുന്നതാണോ

ഏറ്റവും 

പ്രാധാനം?

അദ്ധേഹം 

തിരിച്ച്

ചോദിച്ചു:

ഒരു 

പക്ഷിക്ക് 

ഏറ്റവും 

പ്രാധാന്യമുള്ളത്

ഏതാണ്?

അതിന്റെ 

വലതു 

ചിറകോ

അതോ 

ഇടതു 

ചിറകോ?

_ റൂമി (റ)

_________________________

സൂഫികളുടെ മൊഴിമുത്തുകൾ (121-125) || Sufi Quotes in Malayalam || Alif Ahad | Rumi | മൗലാനാ ജലാലുദ്ധീൻ റൂമി | ജുനൈദുൽ ബഗ്ദാദി | മുഹമ്മദു ബിൻ വാസിഅ് | സൈനുദ്ധീൻ മഖ്ദൂം

(121)

ഒരാൾക്ക്

തന്റെ 

നാവിനെ

സൂക്ഷിക്കുകയെന്നത്

സ്വർണ്ണവും 

വെള്ളിയും

സൂക്ഷിക്കുന്നതിനേക്കാൾ

ദുഷ്ക്കരമാണ്.

മുഹമ്മദ് ബിൻ വാസിഅ് (റ)

_________________________

(122)

മറ്റുള്ളവരിൽ 

നിന്നും

തന്നെ

ഒളിപ്പിച്ച് 

വക്കലാണ്

ഒരാൾക്ക്

ഏറ്റവും 

അഭികാമ്യം.

ഇരുമ്പിനുളളിൽ

വെള്ളത്തെ

ഒളിപ്പിച്ചത് 

പോലെ,

കല്ലിനുള്ളിൽ

തീ

മറഞ്ഞിരിക്കുന്നത്

പോലെ.

_ റൂമി (റ)

_________________________

(123)

അടിമയുടെയും 

തന്റെ 

നാഥന്റെയും

ഇടയിലുള്ള

രഹസ്യമാണ്

ആത്മാർത്ഥത.

കർമ്മങ്ങൾ

എഴുതുവാൻ

ഏൽപ്പിക്കപ്പെട്ട

മാലാഖക്കോ,

തന്നെ 

ദുഷിപ്പിക്കുന്ന 

പിശാചിനോ,

തന്നെ 

നശിപ്പിക്കുന്ന

ദേഹേച്ഛക്കോ

ആ 

രഹസ്യം

അറിയാനാവില്ല.

_ ജുനൈദുൽ ബാഗ്ദാദീ (റ)

_________________________

(124)

ശ്വാസോച്ഛാസങ്ങൾ

കൊണ്ട്

ആരാധിക്കപ്പെട്ടത്

പോലെ 

മറ്റൊന്ന് 

കൊണ്ടും

പ്രപഞ്ച 

നാഥൻ

ആരാധിക്കപ്പെട്ടിട്ടില്ല.

ശ്വാസോച്ഛാസങ്ങൾ

കൊണ്ട്

അനുസരണക്കേട്

ചെയ്തത് 

പോലെ

മറ്റൊന്ന് 

കൊണ്ടും

അവനോടൊരാളും

അനുസരണക്കേട്

കാണിച്ചിട്ടില്ല.

_ ജുനൈദുൽ ബഗ്ദാദി (റ)

_________________________

(125)

ദൈവീക

വിശേഷണങ്ങളെ 

ഓർത്ത് 

കൊണ്ട് 

തന്റെ

ശ്വാസോച്ഛാസങ്ങളെ

സൂക്ഷ്മമായി

ശ്രദ്ധിക്കലാണ്

ഏറ്റവും 

വലിയ 

വഴിപാടും

ആരാധനയുമെന്ന് 

ആത്മജ്ഞാനികൾ

ഏകകണ്ഡേന

സമ്മതിച്ച 

കാര്യമാണ്.

_ സൈനുദ്ധീൻ മഖ്ദും (റ)

_________________________

സൂഫികളുടെ മൊഴിമുത്തുകൾ (116-120) || Sufi Quotes in Malayalam || Alif Ahad | Rumi | മൗലാനാ ജലാലുദ്ധീൻ റൂമി

116

എന്റെ 

ഹൃദയാന്തരത്തിൽ

ഞാൻ 

നിന്നെ 

കണ്ടു.

ആനന്ദ 

ലഹരിയാൽ

ഞാനെന്റെ 

ഹൃദയത്തെ

ഭ്രമണം 

ചെയ്തുകൊണ്ടിരിക്കുന്നു.

_ റൂമി (റ)

_________________________

117

നിന്റെ 

ഹൃദയത്തിന്റെ

അതിസൂക്ഷ്‌മമായ

കേന്ദ്ര 

ബിന്ദുവിൽ

നിന്നൊരു 

പുതുജീവിതം 

തുടങ്ങുന്നു.

അത് 

ഭൂമിയിലെ 

അതി 

മനോഹരമായ 

ഇടം.

_ റൂമി (റ)

_________________________

118

നീ 

നിന്റെ 

കാൽമുട്ടുകളിലേക്ക്

വീഴുമാർ 

ഈ 

ലോകം

നിന്നെ

തള്ളിവീഴ്ത്തുമ്പോൾ,

നീ 

തിരിച്ചറിയുക,

ഈശ്വര

ധ്യാനത്തിനേറ്റവും

അനുകൂലമായ

സാഹചര്യത്തിലാണ്

നീ

നിലകൊള്ളുന്നതെന്ന്.

_ റൂമി (റ)

_________________________

119

അവർ 

നിന്നോട് 

ചോദിക്കും, 

നീ 

എന്താ 

സമ്പാദിച്ചത്

എന്ന്.

നീ 

അവരോട്

പറയുക,

ഒരു 

പ്രണയിക്ക്

പ്രണയമല്ലാതെ

മറ്റെന്താ

സമ്പാദിക്കാനുള്ളത്?

_ റൂമി (റ)

_________________________

120

പ്രണയത്തിന്റെ

ഏറ്റവും 

വലിയ

സമ്മാനമെന്തന്നാൽ 

അത് 

സ്പർഷിക്കുന്നതിനെയെല്ലാം

പവിത്രമാക്കാൻ

അതിനു 

കഴിയും.

_ റൂമി (റ)

_________________________

സൂഫികളുടെ മൊഴിമുത്തുകൾ (111-115) || Sufi Quotes in Malayalam || Alif Ahad | Rumi | Imam Ali | Rabiya Basari | Kahlil Gibran | റൂമി | ഇമാം അലി | ഇബ്നു അതാഇല്ലാഹ് | ഖലീൽ ജിബ്രാൻ | റാബിഅ ബസരി | സൂഫീ ചിന്തകൾ | സൂഫിസം | Sufism in Malayalam

111

തന്റെ

ശ്വാസോച്ഛ്വാസങ്ങളെ

സമയാസമയവും

ദൈവീക ചിന്തയോടെയാക്കുവാനാണ്

നാഥന്റെ

ഇഷ്ടദാസൻ

ശ്രമിക്കുന്നത്.

_ ഇബ്നു അതാഇല്ലാഹ് (റ)

_________________________

112

ഹൃദയത്തിൽ

നീ 

ഒളിപ്പിച്ചെതെന്തോ

അത് 

നിന്റെ

കണ്ണുകളിൽ

പ്രകടമാവും.

_ ഇമാം അലി(റ)

_________________________

113

ഇന്നലെ 

നാം 

രാജാക്കൾക്ക്

വിധേയരായിരുന്നു,

ചക്രവർത്തിമാർക്ക്

മുമ്പിൽ 

നമ്മുടെ 

മുതുക് 

കുനിച്ചിരുന്നു.

എന്നാൽ

ഇന്ന് 

നാം 

സത്യത്തിനു 

മുമ്പിൽ 

മാത്രം 

വണങ്ങുന്നു, 

പ്രണയ 

ലാവണ്യത്തെ 

മാത്രം 

അനുഗമിക്കുന്നു.

_ ഖലീൽ ജിബ്രാൻ

_________________________

114

ജീവിതത്തിന്റെ 

ഒരു 

പാതി 

മറ്റുള്ളവരോടുള്ള 

ആകർഷണം

കാരണം 

നഷ്ടപ്പെട്ടു.

മറ്റേ 

പാതി 

മറ്റുള്ളവർ

കാരണമുണ്ടായ 

ആകുലതയിൽ

അകപ്പെട്ടും 

നഷ്ടമായി.

ഈ 

നാടകം 

ഒന്ന് നിർത്തൂ...

നീ 

ഇപ്പോൾ തന്നെ

വേണ്ടത്ര 

കളിച്ചു.

_റൂമി (റ)

_________________________

115

വാതിൽ

തുറന്നു 

തന്നെയാണ്

വെച്ചിരിക്കുന്നത്.

നീയാണ്

ദിശ തെറ്റിച്ച്

തിരിഞ്ഞ് 

നടക്കുന്നത്.

_ റാബിഅ ബസരി (റ)

_________________________

സൂഫികളുടെ മൊഴിമുത്തുകൾ (106-110) || Sufi Quotes in Malayalam || Alif Ahad | Rumi | റൂമി | ഫരീദുദ്ധീൻ അത്താർ | Fariduddin Athar | സൂഫീ ചിന്തകൾ | സൂഫിസം | Sufism in Malayalam

(106)

ഞങ്ങൾ 

പ്രവാചകരുടെ 

കൂടെ

ആരാധനാലയത്തിൽ

ഇരിക്കുമ്പോൾ

പക്ഷികൾ 

ഞങ്ങളുടെ 

തോളിൽ

വന്നിരിക്കുമായിരുന്നു,

ഒരു പാട് നേരം.

_ പ്രവാചകാനുചരർ

_________________________

(107)

നിനക്കറിയാമോ

നീ

ആരാണെന്ന്?

നീ

ദൈവീക

അക്ഷരങ്ങളുടെ 

ഒരു

ഹസ്തലിഖിതമാണ്.

_ റൂമി (റ)

_________________________

(108)

നിന്റെ 

കൂടെ

സകലരുമുണ്ട്,

പക്ഷെ

ഞാനില്ലങ്കിൽ

നിന്റെ 

കൂടെ 

ആരുമില്ല.

നീ 

ആരോടു

കൂടെയുമല്ലങ്കിലും

നീ 

എന്റെ 

കൂടെയെങ്കിൽ

നീ 

എല്ലാവരോടും

കൂടെയാണ്.

_റൂമി (റ)

_________________________

(109)

നിന്റെ 

ഭോഗേച്ഛകളെ 

നീ 

കരിച്ചു 

കളഞ്ഞാൽ 

ദിവ്യപ്രകാശം 

നിന്നിൽ 

വെളിപ്പെടും. 

പിന്നെ 

ദൈവീക 

രഹസ്യങ്ങൾ

നിന്റെ 

ഹൃദയം 

അറിഞ്ഞു 

തുടങ്ങും. 

അങ്ങിനെ 

നീ 

പരിപൂർണ്ണത

പ്രാപിച്ചാൽ 

നിനക്ക് 

അസ്തിത്വമില്ല. 

പിന്നെ 

അവൻ 

മാത്രം

നിലനിൽക്കും.

_ അത്താർ (റ)

_________________________

(110)

ഓരോ 

നിമിഷവും

അനുരാഗാഗ്നി

കത്തിപ്പടരുന്നു. 

ഒരു 

നൂറ് 

മറകളെയത്

കത്തിച്ച് 

ചാമ്പലാക്കും.

ശേഷം 

നിന്റെ 

ലക്ഷ്യത്തിലേക്ക് 

ഒരായിരം 

ചുവടുകൾ

നിന്നെയും 

വഹിച്ചത് 

മുന്നേറും.

_________________________

സൂഫികളുടെ മൊഴിമുത്തുകൾ (101-105) || Sufi Quotes in Malayalam || Alif Ahad | Rumi | റൂമി | ഫരീദുദ്ധീൻ അത്താർ | ഇനായത് ഖാൻ | ശൈഖ് രിഫാഈ | സൂഫീ ചിന്തകൾ | Sufism in Malayalam

101

ഇവിടെ

എല്ലാം

സൃഷ്ടിക്കപ്പെട്ടത്

മനോഹരമായും

അഴകോടെയും

സ്നേഹാർദൃതയോടെയുമത്രെ.

പക്ഷെ, 

കാണുവാനുളള

കണ്ണുകൾ

വേണമെന്ന് 

മാത്രം.

_ റൂമി (റ)

_________________________

102

അന്ധകാരത്തിന്റെ

പടുകുഴിയിൽ 

നിന്ന്

നീ 

കരകേറുക.

പ്രവാചകർ 

യൂസുഫ് (അ)

ആ കിണറ്റിൽ 

നിന്നും

രക്ഷപ്പെട്ടപോലെ.

എന്നാൽ 

പ്രതാപം 

നിന്നെ 

തേടിയെത്തും.

_ അത്താർ (റ)

_________________________

103

ഹൃദയത്തെ

ബോധദീപ്തമാക്കുന്ന

വാക്കുകൾ

രത്നങ്ങളേക്കാൾ

അമൂല്യമാണ്.

_ഇനായത് ഖാൻ

_________________________

104

നിന്റെ

ചുണ്ടുകൾ

നിശബ്ദമാവുമ്പോൾ

ഹൃദയത്തിനു

നൂറ് 

നാവുകൾ

ജനിക്കുന്നു.

_ റൂമി (റ)

_________________________

105

ഒരു 

സൃഷ്ടിയോടും

ശത്രുതയോ

വിരോധമോ

ഇല്ലാത്ത

ഒരവസ്ഥയിലേക്ക്

നിന്റെ 

ഹൃദയം 

ഉയർന്നാൽ

പക്ഷികളും

വന്യജീവികളുമെല്ലാം

നിന്നോടിണങ്ങും.

നിന്നെ 

പേടിച്ച് കൊണ്ടവ

ഓടില്ല. 

ഹാമീമിന്റെ 

രഹസ്യം

നിനക്ക് 

തുറക്കപ്പെടും.

_ശൈഖ് രിഫാഈ (റ)

_________________________

സൂഫികളുടെ മൊഴിമുത്തുകൾ (96-100) || Sufi Quotes in Malayalam || Alif Ahad | Rumi | Shebisthari | Sufism in Malayalam | മഹ്മൂദ് ശബിസ്തരി | റൂമി | അബൂ മദിയൻ | ത്വാഹിറുൽ മുഖദ്ദസി | ജലാലുദ്ധീൻ റൂമി | സൂഫീ ചിന്തകൾ | സൂഫിസം

(96)

പൂർവ്വകാലം

ഒഴുകിയകന്നു. 

വരാൻ 

പോകുന്ന 

മാസവും

വർഷവുമൊന്നും

നിലനിൽക്കില്ല.

നമുക്കാകെയുള്ളത്

ഇപ്പോഴെന്ന 

ഈ 

കുഞ്ഞു 

നിമിഷം 

മാത്രം.

_മഹ്മൂദ് ശബിസ്തരി

_________________________

(97)

ഹൃദയത്തിന് 

ഒരു 

സമയം

ഒരേ ഒരു 

കാര്യത്തെ

മാത്രമേ 

ലക്ഷ്യമാക്കാൻ 

കഴിയൂ. 

ആ 

ലക്ഷ്യത്തിലേക്ക്

പ്രയാണം

തുടങ്ങിയാൽ

പിന്നെ, 

മറ്റൊന്നും 

അതിൻ്റെ 

ദൃഷ്ടിപദത്തിൽ

പതിയില്ല.

_അബൂ മദിയൻ (റ)

_________________________

(98)

ആത്മജ്ഞാനമെന്നാൽ 

അഹത്തിൽ

നിന്ന്

രക്ഷ നേടലും

ബഹുമതി

ലഭിക്കാനോ

അവമതി

വരാതിരിക്കാനോ

വേണ്ടി 

അഹം ചെയ്യുന്ന 

ആസൂത്രണങ്ങളിൽ

നിന്ന്

മുക്തി 

നേടലുമാണ്.

_ത്വാഹിറുൽ മുഖദ്ദസി (റ)

_________________________

(99)

ഞാൻ

സ്വർഗീയാരാമത്തിലെ 

ഒരു പറവയാണ്.

എന്റെ ദേഹത്തിനു

രണ്ട്മൂന്നു

ദിവസത്തേക്ക്

പാർക്കാനൊരു കൂട്

മാത്രമാണീ 

നശ്വരലോകം.

_റൂമി(റ)

_________________________

(100)

നീ 

മറ്റു 

ഹൃദയങ്ങൾക്ക്

സഹായകനാവുമ്പോൾ

ആത്മജ്ഞാനത്തിന്റെ

വസന്തകാലം

നിന്റെ 

ഹൃദയത്തിൽ 

നിന്നും

ഒഴുകാൻ

തുടങ്ങും.

_റൂമി (റ)

_________________________

സൂഫികളുടെ മൊഴിമുത്തുകൾ (90-95) || Sufi Quotes in Malayalam || Alif Ahad | Rumi | Bulle Shah | Ibrahim ibn Adham | അഹ്മദുൽ ബദവി | ഹല്ലാജ് | ബുല്ലെ ശാഹ് | ബദീഉസ്സമാൻ സഈദ് നൂർസി |ഇബ്റാഹീം ബിൻ അദ്ഹം|

(91)

സൂഫീ 

അധ്യാത്മിക 

വഴികൾ

പാറക്കെട്ടുകളെ

പൊട്ടിപ്പിളർത്തുന്ന തിരമാലകളെപ്പോലെയാണ്.

ഒരേ 

കടലിൽ നിന്നും

വ്യത്യസ്ഥ

ആകൃതികളിൽ

ഒരേ

ലക്ഷ്യത്തിലേക്കവ

സഞ്ചരിക്കുന്നു.

_ അഹ്മദുൽ ബദവി (റ)

_________________________

(92)

നാഥാ,

നീ 

എല്ലായിടത്തും

നിറഞ്ഞ് 

നിൽക്കുന്നു.

എന്നാൽ,

ഒരിടത്തിനുമറിയില്ല

നീയെവിടെയെന്ന്.

_ മൻസൂർ അൽ- ഹല്ലാജ് (റ)

_________________________

(93)

ആകുലത

ഒരു 

രോഗമാണ്. 

വ്യാകുലപ്പെടുമ്പോൾ

നീ 

നിൻ്റെ നാഥൻ്റെ

ജ്ഞാനത്തെ

കുറ്റാരോപണം

നടത്തുന്നു, 

ദൈവീക 

കരുണയെ 

നീ 

വിമർശിക്കുന്നു.

_ ബദീഉസ്സമാൻ സഈദ് നൂർസി (റ)

_________________________

(94)

നീ 

ആയിരക്കണക്കിന്

വൈജ്ഞാനിക

ഗ്രന്ഥങ്ങൾ 

വായിച്ചു.

എന്നാൽ 

എപ്പോഴെങ്കിലും

 നീ 

നിന്നെ

വായിക്കാൻ

ശ്രമിച്ചിട്ടുണ്ടോ?

_ബുല്ലെ ശാഹ് (റ)

_________________________

(95)

ഒരാൾ 

ചോദിച്ചു:

നാഥൻ്റെ

അനുഗ്രഹങ്ങൾക്ക്

നന്ദി 

ചെയ്യുകയും 

വിധിയിൽ

ക്ഷമിക്കലുമല്ലേ

സൂഫിസം ?

ഇത് 

ബൽഖിലെ 

പട്ടികൾക്ക് 

പോലുമുള്ള

സ്വഭാവമാണ്. 

നാഥൻ്റെ 

വിധി  

എന്തായാലും 

ഒരൽപം 

പോലും 

വിഷമിക്കാതെ 

പൂർണ്ണ

തൃപ്തിയോടെയും

നന്ദിയോടെയും

ജീവിക്കലാണ്

സൂഫിസം.

_ഇബ്റാഹീം ബിൻ അദ്ഹം (റ)

_________________________

സൂഫികളുടെ മൊഴിമുത്തുകൾ (86-90) || Sufi Quotes in Malayalam || Alif Ahad | Rumi | Umer Khayyam | Rabiya | Rabiathul Adawiyya

(86)

ദിവ്യാനുരാഗികളിൽ

നിന്നും

പ്രണയമാരുതൻ്റെ

പരിമളം

വമിച്ചുകൊണ്ടേയിരിക്കും, 

അവരുടെ 

പ്രണയം 

അവരെത്ര 

ഒളിപ്പിച്ച് വച്ചാലും.

അവരിൽ 

ആ പ്രണയത്തിൻ്റെ

അടയാളങ്ങൾ വെളിവായിക്കൊണ്ടേയിരിക്കും, 

അവരിലെ 

അനുരാഗത്തെ 

അവരെത്ര

രഹസ്യമാക്കിയാലും.

_ അബൂ അലിയ്യിനിൽ കാതിബ് (റ)

_________________________

(87)

ഒരു സൂഫി

പരുത്ത 

കമ്പിളിയാണ്

ധരിച്ചതെങ്കിലും

നിർമ്മല

ഹൃദയമുള്ളവനാണ്,

തൻ്റെ 

ദേഹേച്ഛകൾക്ക്

വരൾച്ചയെ

രുചിപ്പിച്ചവനാണ്,

ഭൗതിക 

ഭ്രമത്തെ തൻ്റെ

പിറകിൽ

നിർത്തിയവനാണ്,

ലോക ഗുരുവിൻ്റെ 

വഴിയിൽ 

പ്രവേശിച്ചവനുമാണ്.

_ അബൂ അലിയ്യു റൗദാബാരീ (റ)

_________________________

(88)

നീ

എന്തിനെയാണോ

തിരയുന്നത്,

അത്

നിന്നെയും

തിരഞ്ഞുകൊണ്ടിരിക്കുന്നു.

_ റൂമി (റ)

_________________________

(89)

വിരോധാഭാസമായി

തോന്നാം, 

പക്ഷെ 

നമ്മുടെ

ദേഹമനുഭവിക്കുന്ന

ഏറ്റവും

സുപരിചിതമായ

പ്രവൃത്തി

മരണമത്രെ.

_ റാബിഅ ബസരി (റ)

_________________________

(90)

ഈ 

നിമിഷത്തിൽ

നീ

സന്തോഷവാനാവുക.

കാരണം, 

ഈ നിമിഷം 

നിൻ്റെ 

ഒരായുസ്സാണ്.

_ ഉമർ ഖയ്യാം

_________________________

സൂഫികളുടെ മൊഴിമുത്തുകൾ (81-85) || Sufi Quotes in Malayalam || Alif Ahad, Rumi, Imam Shibli, Imam Malik, Fudail bin Iyad, Bishrul Hafi

(81)

ഞാൻ 

ഈ ലോകത്തിനുമപ്പുറം

അതിരുകളില്ലാത്ത

ലോകത്തേക്ക്

സഞ്ചരിച്ചു.

ഉത്തരധ്രുവത്തിനും

ദക്ഷിണധ്രുവത്തിനും

അപ്പുറത്തുള്ള

ലോകത്തേക്ക്.

അതിനു ശേഷം,

അവിടങ്ങളിൽ 

ഞാൻ 

കണ്ടതു മുഴുവനും

എനിക്കെന്റെ

ചെറുവിരലിനു

മുകളിലെ

മൃദുരോമത്തിൽ പോലും

കാണാൻ കഴിഞ്ഞു.

_ അബൂബക്കർ ശിബിലി (റ)

_________________________

(82)

ഒരാൾ തന്റെ

ഹൃദയത്തിന്റെ 

കവാടം

തുറക്കപ്പെടാൻ ആഗ്രഹിക്കുന്നുവെങ്കിൽ,

അവൻ 

രഹസ്യമായി 

ചെയ്യുന്ന 

സൽകർമ്മങ്ങൾ

പരസ്യമായി

ചെയ്യുന്നവയെക്കാൾ

സ്രേഷ്ടമായതാവട്ടെ.

_ ഇമാം മാലിക് (റ)

_________________________

(83)

ഭൗതിക

വിരക്തിയേക്കാൾ

മഹത്വം

സംതൃപ്തിക്കാണ്.

കാരണം 

സംതൃപ്തൻ 

അവന്റെ നിലക്കും

പരിധിക്കുമപ്പുറമുള്ള

ഒന്നിനെയും

ആഗ്രഹിക്കില്ല.

_ ഫുദൈൽ ബിൽ ഇയാദ് (റ)

_________________________

(84)

മൂന്ന് കാര്യങ്ങൾ

ഹൃദയത്തെ

കഠിനമാക്കും.

1. അമിത ഭക്ഷണം

2. അമിത ഉറക്കം

3. അമിത സംസാരം

കഠിന ഹൃദയത്തിലേക്ക്

ദിവ്യ പ്രകാശം

പ്രവേശിക്കുകയുമില്ല

_________________________

(85)

ആളുകൾക്കിടയിൽ

താൻ

പ്രസിദ്ധനാവട്ടെ

എന്നാഗ്രഹിക്കുന്ന

ഒരാൾക്ക് 

ഒരിക്കലും

ദിവ്യലോകത്തെ

ആനന്ദവും 

മാധുര്യവും 

അനുഭവിക്കാനാവില്ല.

_ ബിശ്റുൽ ഹാഫീ (റ)

_________________________

സൂഫികളുടെ മൊഴിമുത്തുകൾ (76-80) || Sufi Quotes in Malayalam || Alif Ahad, Rumi, Imam Ali, Hallaj, Anal haq, Sufism, Fareedudheen Attar

(76)

അനുരാഗി

ഒരു തുള്ളി 

വെള്ളം പോലും

കുടിക്കുന്നില്ല, 

ആ പാനപാത്രത്തിൽ

അവന്റെ 

പ്രണയനാഥന്റെ 

മുഖം കണ്ടിട്ടല്ലാതെ.

കൺപോളകളിൽ 

നിന്ന് 

കണ്ണുനീർ തുള്ളികൾ

ഒലിക്കുന്നത് പോലെ

എന്റെ

ഹൃദയാവരണത്തിനും ഹൃദയത്തിനുമിടയിലൂടെ 

അവൻ 

ഒഴുകിക്കൊണ്ടിരിക്കുന്നു.

_ മൻസൂർ ഹല്ലാജ് (റ)

_________________________

(77)

ദൈവം നിന്നെ

സ്വതന്ത്രനാക്കിയാണ്

സൃഷ്ടിച്ചത്, 

പിന്നെ നീ

മറ്റൊരുത്തന്റെ

അടിമയാവരുത്.

_ഇമാം അലി (റ)

_________________________

(78)

ദുനിയാവിൽ 

നീ ജീവിക്കുക, 

എന്നാൽ 

ദുനിയാവിനെ

നിന്റെയുള്ളിൽ

ജീവിക്കാൻ

അനുവദിക്കരുത്.

കാരണം, 

ഒരു ബോട്ടിനു

വെള്ളത്തിനു മീതെ

സുന്ദരമായി

ഒഴുകാനാവും. 

എന്നാൽ, 

വെള്ളം 

ബോട്ടിനുള്ളിൽ

കേറിയാൽ 

എങ്ങനെയുണ്ടാവും?

അത് മുങ്ങിപ്പോവില്ലേ?

_ഇമാം അലി(റ)

_________________________

(79)

നിന്നെ 

ഏൽപ്പിക്കപ്പെട്ട 

ജോലി 

പ്രണയത്തെ 

തിരയലല്ല, 

മറിച്ച് 

പ്രണയത്തിനെതിരായി

നിന്റെയുള്ളിൽ 

നീ നിർമിച്ച് വച്ച

വിഘ്നങ്ങളെ 

തിരഞ്ഞ്

കണ്ടെത്തലാണ്.

_റൂമി (റ)

_________________________

(80)

നീ 

ഏറ്റവും കൂടുതൽ ആഗ്രഹിക്കുന്നതെന്തോ,

നീ എന്തിനു

വേണ്ടിയാണോ 

ലോകം ചുറ്റുന്നത്,

ഒരിക്കൽ 

നീ തന്നെ 

അതാകും.

പക്ഷെ, 

ആദ്യം നിനക്ക് 

നിന്നെ നഷ്ടപ്പെടണം.

പ്രണയിനികൾക്ക്

അവരെ

നഷ്ടപ്പെടുന്നത്

പോലെ..

_ഫരീദുദ്ധീൻ അത്താർ (റ)

_________________________

സൂഫികളുടെ മൊഴിമുത്തുകൾ (71-75) || Sufi Quotes in Malayalam || Alif Ahad

(71)

ഇന്നലെ 

ഞാനൊരു 

കൗശലക്കാരനായിരുന്നു,

അത്കൊണ്ട് ഞാൻ

ലോകത്തെ 

മാറ്റാൻ ശ്രമിച്ചു. 

ഇന്ന് ഞാനൊരു

വിവേകിയാണ്,

അത്കൊണ്ട് ഞാൻ 

സ്വയം 

പരിവർത്തനത്തിന് 

വിധേയനാവുന്നു.

_ റൂമി (റ)

_________________________

(72)

സൂഫീ സമാ

ദിവ്യാനുരാഗിയുടെ

മനസ്സിനു 

സമാധാനം 

നൽകുന്നു. 

ആദ്യം അത്

ഹൃദയത്തെ

ഇളക്കുന്നു.

പിന്നെയത് 

അവനെ 

അബോധാവസ്ഥയിൽ

എത്തിക്കുന്നു.

അവസാനമായി 

ആ അവസ്ഥ 

അവനെ

ലയനത്തിലേക്ക് 

നയിക്കുന്നു.

ആയിരം വാളുകൾ

അവന്റെ 

ശിരസ്സിനുമേൽ

പെയ്തിറങ്ങിയാലും .ആനന്ദ ലഹരിയാൽ

അതവനറിയില്ല.

_ബാബാ ഫരീദ് ഗഞ്ച്ശകർ (റ)

_________________________

(73)

അന്യായമായത്

മാത്രമാണ് 

നിന്റെ നാവ് 

രുചിച്ച് 

കൊണ്ടിരിക്കുന്നത്

എങ്കിൽ,

ആത്മജ്ഞാനത്തിന്റെ

മധുരാനുഭവത്തിൽ

നിന്ന് 

ഒന്നും ആഗ്രഹിക്കാൻ

പോലും നിനക്കാവില്ല.

_ഇബ്റാഹീമുദ്ദസൂഖി (റ)

_________________________

(74)

എന്താണ് 

സൂഫീ സംഗീതം

എന്നറിയുമോ?

എന്ത്കൊണ്ടാണ്

അതിത്ര 

മോഹനവും 

ആകർഷകവുമായത്

എന്നറിയുമോ?

സൂഫീ സംഗീതം

ദിവ്യാനുരാഗത്തിന്റെ 

പൊരുളും, 

അനുരാഗം

ദൈവത്തിന്റെ

പൊരുളുമാണ്.

_ പേർഷ്യൻ സൂഫീ വരികൾ

ഖവ്വാലി മെഹ്ഫിലിൽ വച്ച് ഈ വരികൾ കേട്ട് ഹസ്രത് ബക്‌തിയാർ കാക്കി (റ) നാല് ദിവസത്തോളം ദിവ്യപ്രണയത്താലുള്ള ഒരു പ്രത്യേക ഉന്മാദാവസ്ഥയിൽ നിലനിന്നു എന്ന് ചരിത്രം.

_________________________

(75)

ഒരാൾക്ക്

ജ്ഞാനമില്ലങ്കിൽ

അവന് 

രണ്ട് ലോകത്തും

വിലയില്ല. 

ഒരാൾക്ക് 

സഹനമില്ലങ്കിൽ അവന്റെ 

ജ്ഞാനം 

അവന് 

ഉപകാരപ്പെടില്ല.

ഒരാൾക്ക് 

ജനങ്ങളോട് 

കൃപയില്ലങ്കിൽ

അവൻ 

ശുപാർശക്കർഹനല്ല.

_ അഹ്മദുൽ ബദവി (റ)

_________________________

സൂഫികളുടെ മൊഴിമുത്തുകൾ (66-70) || Sufi Quotes in Malayalam

(66)

മാലാഖമാർക്ക് 

നാഥൻ

ബുദ്ധി നൽകി, 

ഭോഗേച്ഛ നൽകിയില്ല.

മൃഗങ്ങൾക്ക് 

അവൻ

ഭോഗേച്ഛ നൽകി, 

ബുദ്ധി നൽകിയില്ല.

എന്നാൽ മനുഷ്യന്

രണ്ടും നൽകി.

ഒരാളുടെ വിവേകം

അവന്റെ 

വികാരങ്ങളെക്കാൾ

മികച്ചു നിന്നാൽ 

അവൻ 

മാലാഖമാരെക്കാൾ

സ്രേഷ്ടനായി.

എന്നാൽ 

ഒരാളുടെ വികാരം

അവന്റെ 

വിവേകത്തെ

കീഴ്പ്പെടുത്തിയാൽ

അവൻ

മൃഗങ്ങളെക്കാൾ

അധ:പതിച്ചവനായി

_ അദബുദ്ദുൻയാ വദീൻ

_________________________

(67)

നമ്മൾ 

ഒരിക്കലും 

കീഴടങ്ങില്ല. 

ഒന്നുകിൽ 

നാം മരിക്കും 

അല്ലങ്കിൽ 

ജയിക്കും. 

അടുത്ത 

തലമുറക്ക് വേണ്ടി

പോരാടണം നാം.

അങ്ങിനെ ഞാൻ 

എന്നെ 

തൂക്കിലേറ്റിയവനെക്കാളേറെ 

കാലം ജീവിക്കും

_ ഉമർ മുഖ്താർ (റ) - The Lion of the Desert 

_________________________

(68)

ഒരടിമയെ കൊണ്ട് 

അവന്റെ രക്ഷിതാവ്

നന്മ ഉദ്ദേശിച്ചാൽ

അവന് 

സൽകർമ്മങ്ങളുടെ

കവാടം 

തുറന്ന് 

കൊടുക്കുകയും 

തർക്കങ്ങുടെ

കവാടം 

അവന്റെ മുമ്പിൽ

അടക്കുകയും ചെയ്യും

_ മഅറൂഫുൽ ഖർഹി (റ)

_________________________

(69)

കണ്ണ് കൊണ്ട്

പ്രണയിക്കുനവർക്കെ

ഗുഡ്ബൈ 

പറയാനാവുകയൊള്ളൂ,

ഹൃദയം കൊണ്ട് പ്രണയിക്കുന്നവർക്കാവില്ല.

കാരണം,

ആത്മാവുകൊണ്ടുള്ള

പ്രണയത്തിൽ

വിരഹമില്ലല്ലോ...

_ റൂമി (റ)

_________________________

(70)

ഭക്തൻമാരോടൊപ്പവും

പോരാട്ട 

സമാനമായി 

ദിവ്യമാർഗത്തിൽ 

പരിശ്രമിക്കുന്നവരോടൊപ്പവും 

ഞാൻ താമസിച്ചു.

എന്നിൽ 

ഒരു പുരോഗതിയും

ഉണ്ടായില്ല. 

ഞാൻ ചോദിച്ചു:

നാഥാ, 

നിന്നിൽ

എത്തിച്ചേരാനുള്ള 

വഴി എന്താണ് ?

അവൻ പറഞ്ഞു : 

നീ ആദ്യം 

നിന്നെ ഉപേക്ഷിക്ക്,

എന്നിട്ട് വാ.

_ ബാ യസീദുൽ ബിസ്ത്വാമി (റ)

_________________________

സൂഫികളുടെ മൊഴിമുത്തുകൾ (61-65) || Sufi Quotes in Malayalam

(61)

നിന്റെ മനസ്സിനെ 

നീ 

കൊച്ചു കൊച്ചു

കാര്യങ്ങളെ കൊണ്ട്

നിറച്ചാൽ 

അവിടെ പിന്നെ

വലിയ വലിയ

ചിന്തകൾക്കിടമുണ്ടാവില്ല.

കാരണം മനസ്സ് 

ഒരു കൃഷിയിടം

പോലെയാണ്. 

നല്ല 

കൃഷിയിറക്കിയില്ലങ്കിൽ

അവിടെ 

കിളകൾ നിറയും.

_ ഗുരു ജീലാനി(റ)

_________________________

(62)

ഈ ലോകം 

ചിലർക്ക് 

ഒരു ഭ്രാന്താലയം

പോലെയാണ്,

നിവാസികൾ 

ബുദ്ധിഭ്രമമുള്ളവരെ 

പോലെയും.  

സുബോധമില്ലാത്തവർ

എപ്പോഴും 

ബന്ധനസ്ഥരുമാണ്.

_ഫുദൈൽ ബിൻ ഇയാദ് (റ)

_________________________

(63)

ഞാൻ നീയായി, 

നീ ഞാനും.

ഞാൻ 

ശരീരമെങ്കിൽ

നീ 

ആത്മാവെന്ന പോലെ. 

ഇനി മുതൽ 

ഒരാൾക്കും 

പറയാനൊക്കില്ല, 

നീയൊന്നും 

ഞാൻ മറ്റൊന്നുമെന്ന്.

_ അമീർ ഖുസ്രു (റ)

_________________________

(64)

ഈ വഴി 

നിന്റെതാണ്,

നിന്റേത് മാത്രം.

മറ്റുള്ളവർക്ക് 

നിന്റെ 

കൂടെ നടക്കാം. 

എന്നാൽ 

ഒരാൾക്കും 

നിനക്ക് വേണ്ടി

നടക്കാനാകില്ല.

_റൂമി (റ)

_________________________

(65)

ദൈവത്തിനുവേണ്ടി

മരിക്കാനായി 

ഞാൻ 

ജനങ്ങളെ

വിളിക്കുകയാണങ്കിൽ

അവരെന്റെ

വീട്ടുമുറ്റത്ത് വരിവരിയായി 

വന്നു നിൽക്കും.

എന്നാൽ,

ദൈവത്തിനുവേണ്ടി

ജീവിക്കാനായി

ഞാനവരെ 

വിളിച്ചാൽ

ഒറ്റൊരാളെയും 

എനിക്ക് 

കാണാൻ കഴിയില്ല.

_അബ്ദുല്ല ബിൻ ബയ്യ (റ)

_________________________

സൂഫികളുടെ മൊഴിമുത്തുകൾ (55-60) || Sufi Quotes in Malayalam

(56)

നീ 

ഇഷ്ടപ്പെടുന്നത് 

ലഭിക്കാൻ,

ആദ്യം നീ 

വെറുക്കുന്ന 

കാര്യങ്ങൾ 

ക്ഷമിക്കാൻ 

തയ്യാറാവണം

_ഇമാം ഗസാലി (റ)

_________________________

(57)

സൂഫികളുടെ

പുസ്തകങ്ങൾ

വായിച്ചത് കൊണ്ടോ,

സൂഫീ 

സാങ്കേതിക പദങ്ങളുടെ

അർത്ഥങ്ങൾ 

പഠിച്ചത് കൊണ്ടോ 

നീ ഒരു സൂഫിയായി

എന്ന് ധരിക്കരുത്.

കാരണം സൂഫിസം

പഠനങ്ങളല്ല. 

അത് 

സൂഫികളുടെ

ഉൽകൃഷ്ട സ്വഭാവങ്ങൾ

തന്റെ ജീവിതത്തിൽ

പകർത്തലും

ആത്മജ്ഞാനം

കൈവരിക്കലുമാണ്.

_അലിയ്യുൽ ഖവ്വാസ് (റ)

_________________________

(58)

നിന്റെ 

ഹൃദയത്തിൽ തിരികൊളുത്തപ്പെടാനായി 

ഒരു മെഴുകുതിരി 

കാത്തിരിപ്പുണ്ട്.

നിന്റെ ആത്മാവിൽ 

നിറയാനാഗ്രഹിക്കുന്ന

ഒരു ശൂന്യതയും

കാത്തിരിപ്പുണ്ട്. 

നിനക്ക്

അനുഭവപ്പെടുന്നില്ലേ ഇത്?

_റൂമി (റ)

_________________________

(59)

വിശുദ്ധ ഗ്രന്ഥവും

തിരുചര്യയുമെന്ന 

രണ്ട് ചിറകുകളുമായി

നീ

പരമാർത്ഥത്തിലേക്ക്

പറന്നുയരുക.

_ഗുരു ജീലാനി (റ)

_________________________

(60)

നിങ്ങൾ 

പണം

കയ്യിൽ പിടിച്ച്

നടന്നോളൂ...

അതിനെ 

ഖൽബിൽ (മനസ്സിൽ) 

സൂക്ഷിച്ച് 

നടക്കുമ്പോഴാണ് 

നിങ്ങൾക്കത് 

ടെൻഷൻ തരുന്നത്.

_ഗുരു ജീലാനി (റ)

_________________________

സൂഫികളുടെ മൊഴിമുത്തുകൾ (51-55) || Sufi Quotes in Malayalam

(51)

എന്നെ 

പ്രപഞ്ചനാഥനിൽ

നിന്നും 

അകലെയാക്കിയത് 

ഒരേ ഒരു വാക്ക് 

മാത്രമാണ്. 

ആ വാക്കാണ് 

"ഞാൻ".

_യൂനുസ് എംറെ (റ)

_________________________

(52)

സൂക്ഷ്മതയുള്ള

ജീവിതം എന്നാൽ, 

സംശയമുള്ളതും 

അനാവശ്യവുമായ 

കാര്യങ്ങൾ 

ഉപേക്ഷിക്കലാണ്.

_ഇബ്റാഹീം ബിൻ അദ്ഹം (റ)

_________________________

(53)

ദിവ്യപ്രകാശത്തിന്റെ

ചക്രവാളങ്ങൾ 

ഹൃദയവും

ആത്മാവുമാണ്.

 

_ ഇബ്നു അതാഇല്ലാഹ് (റ)

_________________________

ചുറ്റുപാടും നന്മമാത്രം കാണാൻ

(54)

"അലസ്തു"

എന്ന 

നാദം 

പോലെ

പ്രണയാർദ്രമായ

മറ്റെന്തങ്കിലും 

നിന്റെ 

ആത്മാവ് 

മുമ്പ് 

കേട്ടിട്ടുണ്ടോ?

അന്ന് 

നീ 

നൽകിയ

വാഗ്ദാനം "ബലാ"

നിനക്കിപ്പോൾ 

വിരസതയായി

അനുഭവപ്പെടുന്നുണ്ടോ?

_ ഫരീദുദ്ധീൻ അത്താർ (റ)

_________________________

(55)

ആത്മജ്ഞാനികളിൽ

പ്രധാനികളായ 

അബ്ദാലുകളുടെ

അവസ്ഥ

അനുഭവിക്കാൻ,

നീ 

മുഴുവൻ സമയവും

പ്രാണനാഥനെ 

ഓർത്തു

കൊണ്ടേയിരിക്കുക. 

_ ഉമറുൽ ഖാഹിരി (റ)

_________________________

സൂഫികളുടെ മൊഴിമുത്തുകൾ (45-50) || Sufi Quotes in Malayalam

(46)

നീ നിന്റെ 

ഹൃദയത്തെ 

തകർത്തു 

കൊണ്ടേയിരിക്കണം, 

ആ ഹൃദയ കവാടം

നിന്റെ മുമ്പിൽ 

തുറക്കപ്പെടുന്നത് വരെ.

നീ അനുഭവിക്കുന്ന

ഈ വേദനകളെല്ലാം 

നിന്റെ 

പ്രേമഭാജനത്തിൽ 

നിന്നുള്ള 

സന്ദേശവാഹകരണ്, 

ശ്രദ്ധയോടെ വീക്ഷിക്കൂ...

_ റൂമി (റ)

_________________________

(47)

ഞാനിവിടെ

ഇഞ്ചിഞ്ചായി വധിക്കപ്പെടുകയാണങ്കിലും 

എന്നിൽ നിന്നും 

നിന്റെ സ്മരണകൾ

മായുകയില്ല.

_ ഇബ്റാഹീം ബിൻ അദ്ഹം (റ)

_________________________

(48)

ചെയ്തു പോയ

തെറ്റുകൾ ഓർത്ത്

ഖേദവും ദുഃഖവും

വരുന്നില്ലങ്കിൽ, 

അത് 

ഹൃദയം മരിച്ചു

എന്നതിന്റെ

അടയാളമാണ്.

_ ഇബ്നു അതാഇല്ലാഹ് (റ)

_________________________

(49)

ശരീരത്തിന്റെ

ശക്തി ക്ഷയിക്കുന്നത്

രോഗം വരുമ്പോഴാണ്.

എന്നാൽ,

ഹൃദയത്തിന് 

ശക്തിക്ഷയം 

സംഭവിക്കുന്നത് 

അധർമ്മങ്ങൾ 

ചെയ്യുമ്പോഴാണ്. 

രോഗം വന്നാൽ

എത്ര രുചികരമായ

ഭക്ഷണവും 

നമുക്ക് 

ആസ്വദിക്കാനാവില്ലല്ലോ...

അതു പോലെ,

അധർമ്മങ്ങൾ 

അധികരിക്കുമ്പോൾ 

ഹൃദയത്തിനും അത്യനുരാഗത്തിന്റെആനന്ദം 

അനുഭവിക്കാനാവില്ല.

_ ദുന്നൂൻ അൽ മിസ് രി (റ)

_________________________

(50)

ഭക്ഷണമായിരുന്നു

 ആദമിനുണ്ടായ 

ആദ്യ പരീക്ഷണം. 

ആ ഭക്ഷണം 

തന്നെയായിരിക്കും 

അന്ത്യദിനം വരെ

നിനക്കുമുള്ള 

പരീക്ഷണം.

_ ഹസൻ ബസരി (റ)

_________________________

സൂഫികളുടെ മൊഴിമുത്തുകൾ (41-45) || Sufi Quotes in Malayalam

(41)

പ്രണയത്തിന്റെ ലോകത്ത് ദ്വൈതഭാവമില്ല. 

എന്താ എല്ലാവരും 

നീ, ഞാൻ എന്ന്

പറഞ്ഞു കൊണ്ടിരിക്കുന്നത്!?

ആദ്യമേ 

നിറഞ്ഞു നിൽക്കുന്ന

ഒരു ചഷകം 

നിങ്ങൾക്കെങ്ങനെ 

വീണ്ടും നിറക്കാനാവും.

_ ഹക്കീം സനാഇ (റ)

________________________

(42)

നിന്നെ 

ഭയപ്പെടുത്തുന്നതും 

ദു:ഖത്തിലാഴ്ത്തുന്നതുമായ 

കാര്യങ്ങൾ 

നീ ശ്രദ്ധിരുത്.

കാരണം 

അവ നിന്നെ രോഗാവസ്ഥയിലേക്കും

മരണത്തിലേക്കും

 നയിക്കും. 

_ റൂമി (റ)

________________________

(43)

ദുർമോഹങ്ങൾ

രാജാക്കളെ പോലും

അടിമകളാക്കുന്നു. 

എന്നാൽ ക്ഷമ 

അടിമകളെ പോലും 

രാജാക്കളാക്കുന്നു.  

_ ഇമാം ഗസ്സാലി (റ)

________________________

(44)

മരണം

എത്രയോ 

മനോഹരമായി 

എന്റെ മുമ്പിൽ

പ്രത്യക്ഷപ്പെട്ടു. 

ഞാൻ അവനെ

വാരിപ്പുണർന്നു.

അങ്ങിനെ ഞാൻ

മരിക്കുന്നതിന് മുമ്പേ 

ഒരായിരം തവണ

മൃത്യു വരിച്ചു.

പ്രവാചകർ പറഞ്ഞു :

മൂതൂ ഖബ് ല അൻ തമൂത്

(മരത്തത്തിന് മുമ്പേ

നിങ്ങൾ മരിക്കുക).

_റാബിഅ ബസരി (റ)

________________________

(45)

എന്റെ സഹോദരീ

സഹോദരങ്ങളേ...

എന്നിലുള്ള 

അക്ഷുബ്ധതയാണ് 

എന്റെ ഏകാന്തവാസം.

എന്റെ പ്രേമഭാജനം

എപ്പോഴും 

എന്റെ കൂടെയുണ്ട്.

അവന്റെ പ്രണയത്തിനു

പകരം വെക്കാൻ

ഒന്നുമില്ല.

_റാബിഅ ബസരി (റ)

________________________

സൂഫികളുടെ മൊഴിമുത്തുകൾ (36-40) || Sufi Quotes in Malayalam

(36)

നിന്നെ 

പരിഭ്രമത്തിലാഴ്തുന്ന നിന്റെ നഫ്സെന്ന

മത്സ്യത്തിൽ നിന്ന് 

നീ രക്ഷനേടുക.

എന്നാൽ നിനക്ക്

 യൂനുസ് പ്രവാചകൻ

കൈവരിച്ച 

ആത്മാനന്ദത്തിന്റെ

ലോകത്ത് വസിക്കാം.

 _ഫരീദുദ്ധീൻ അത്താർ (റ)

_________________________

(37)

ഒരാളുടെ 

ജീവിത ലക്ഷ്യം 

തന്റെ വയർ നിറക്കുക

എന്നത് മാത്രമെങ്കിൽ

അവന്റെ വില

ആ വയറിൽ നിന്നും

പുറത്ത് വരുന്നതിന്റത്രയേ ഒള്ളൂ...

_ ഇമാം ഗസ്സാലി (റ)

_________________________

(38)

ദിവ്യജ്ഞാനത്തിന്റെ

വഴിയിൽ 

നീ പ്രവേശിച്ചാൽ

ഖിദ്ർ പ്രവാചകർ

നിനക്ക് 

മൃതസഞ്ജീവനി 

(മാഉൽ ഹയാത്) നൽകും.

_ മൻത്വിഖു ത്വൈർ

_________________________

(39)

ഉവൈസുൽ ഖർനി(റ)

ഓരോ ദിവസവും

തനിക്ക് മിച്ചം 

വന്ന ഭക്ഷണവും

വസ്ത്രവും 

ധർമ്മം ചെയ്യുമായിരുന്നു.

ശേഷം പ്രാർത്ഥിക്കും, 

നാഥാ, ഇന്ന് ഇനി 

ആരെങ്കിലും 

വിശന്ന് മരിച്ചാൽ

എന്നെ നീ

ശിക്ഷിക്കരുതേ...

അരെങ്കിലും 

നഗ്നത മറക്കാനാവാതെ

മരിച്ചാലും എന്നെ

ശിക്ഷിക്കരുതേ...

_________________________

(40)

എനിക്ക് 

പക്ഷികൾ പാടുന്നത്

പോലെ പാടണം.

മറ്റുള്ളവർ 

എന്ത് കേൾക്കും, 

അവർ എന്ത് 

ചിന്തിക്കും 

എന്ന് വ്യാകുലപ്പെടാതെ...

_ റൂമി (റ)

_________________________

സൂഫികളുടെ മൊഴിമുത്തുകൾ (31-35) || Sufi Quotes in Malayalam

(31)

ഒരൽപസമയം 

നിശബ്ദമായി ഇരിക്കൂ..

വീണ്ടും മൗനിയാവാൻ

ശ്രമിക്കൂ...

അപ്പോൾ 

നിന്റെ ആത്മാവിന്  

പുനർജ്ജീവനം ലഭിച്ചു

തുടങ്ങിയിട്ടുണ്ടാവും.

_റൂമി(റ)

_________________________

(32)

സൃഷ്ടിയിൽ നിന്നും 

സൃഷ്ടിയിലേക്കുള്ള 

സഞ്ചാരം നീ 

അവസാനിപ്പിക്കുക. കാരണം 

അത് മില്ലിലെ 

കഴുതയുടെ ചലനം

പോലെയാണ്. 

അതിന്റെ കറക്കം 

തുടങ്ങിയിടത്ത് തന്നെ 

അവസാനിക്കുന്നു.

അത് കൊണ്ട് 

നീ 

കൗനിൽ (സൃഷ്ടി) നിന്ന് മുകവ്വിനിലേക്ക് (സൃഷ്ടാവ്‌) 

യാത്ര ചെയ്യുക.

_ഇബ്നു അതാഇല്ലാഹ് (റ)

_________________________

(33)

ജനങ്ങൾ

ചിലപ്പോൾ നിന്നെ

പുകഴ്ത്തിക്കൊണ്ടിരിക്കും,

ആസമയം നീ 

നിന്റെ മനസ്സിനെ 

സന്തോഷിക്കാൻ വിടരുത്.

അവർ ചിലപ്പോൾ 

നിന്നെ ഇകഴ്ത്തിക്കൊണ്ടിരിക്കും, 

ആസമയം നീ

ദു:ഖിക്കുകയും അരുത്.

_ ഇമാം ഗസ്സാലി (റ)

_________________________

(34)

മുഹമ്മദു റസൂലുള്ള ❤

നടന്ന വഴിയിലെ 

ഒരു മൺതരി

മാത്രമാണ് ഞാൻ.

 

 _റൂമി (റ)

_________________________

(35)

കഥകളിൽ 

സംതൃപ്തനാവേണ്ടവനല്ല നീ. 

കഥകൾ 

മറ്റുള്ളവർക്ക് 

എന്ത് സംഭവിച്ചു 

എന്നാണ് നിന്നെ 

പഠിപ്പിക്കുന്നത്. എന്നാൽ നീ 

നിന്നിൽ ഒളിഞ്ഞ് 

കിടക്കുന്ന 

ഇതിഹാസങ്ങളുടെ 

ചുരുളഴിക്കുക.

_ റൂമി (റ)

_________________________

സൂഫികളുടെ മൊഴിമുത്തുകൾ (26-30) || Sufi Quotes in Malayalam

(26)

ഒരാളുടെ അറിവ്  

തന്റെ അഹംഭാവത്തിൽ നിന്ന് 

അവനെ 

മോചിപ്പിക്കുന്നില്ലങ്കിൽ

ആ അറിവിനെക്കാൾ 

നല്ലത് അജ്ഞതയാണ്.

(ഹകീം സനാഇ ❤️)

_________________________

(27)

തന്റെ ഓരോ ശ്വാസനിശ്വാസങ്ങളും 

ദൈവീക ചിന്തയോടെയാക്കൽ ആത്മജ്ഞാനികളുടെ

ആരാധനയുടെ 

ഭാഗമാണ്.

(അജ്മീർ ഖാജ(റ)🖤)

_________________________

(28)

നീ 

നല്ലൊരു വ്യക്തിയാവുക. എന്നാൽ, അത്

തെളിയിക്കുവാൻ വേണ്ടി 

നീ സമയം കളയരുത്.

(ലുഖ്മാനുൽ ഹഖീം(റ)💚)

_________________________

(29)

ഞാനനുഭവിക്കുന്ന 

പ്രശ്നങ്ങൾ എത്ര വലിയതാണ് എന്ന്

ദൈവത്തോട് നിങ്ങൾ പറയരുത്.

എന്നാൽ...

നിങ്ങളുടെ പ്രശ്നങ്ങളോട് 

നിങ്ങൾ പറയുക,

"എന്റെ റബ്ബ് എത്ര വലിയവനാണ് ".

(സൂഫി💜)

_________________________

(30)

നിങ്ങൾ 

എവിടെയാണെങ്കിലും, നിങ്ങൾ എന്ത് 

ചെയ്യുകയാണങ്കിലും,

നിങ്ങൾ എപ്പോഴും

അനുരാഗിയെ കുറിച്ചുള്ള 

ചിന്തയിലാവുക.

(റൂമി(റ)💛)

_________________________

സൂഫികളുടെ മൊഴിമുത്തുകൾ (21-25) || Sufi Quotes in Malayalam

(21)

വാതിലുകൾ 

നിന്റെ

മുമ്പിൽ 

തുറന്ന്

കിടക്കുമ്പോഴും 

നീയെന്തിന്

കാരാഗൃഹത്തിൽ 

കഴിയുന്നു?

(റൂമി💜)

_________________________

(22)

ഈ 

ലോകത്തെ 

ഓരോ 

അണുവിലും 

അനന്തമായ 

വിശ്വപ്രപഞ്ചം 

ഒളിഞ്ഞിരിക്കുന്നു.

(റൂമി💙)

_________________________

(23)

നീയെന്ന 

പ്രതീക്ഷ

എന്റെ 

ഹൃദയത്തിൽ

ഞാനൊളിപ്പിച്ച 

അമൂല്യ 

നിധിയാണ്.

നിന്റെ 

നാമങ്ങൾ

എന്റെ 

നാവിലെ 

രുചിയൂറും 

വാക്കുകളാണ്.

എന്റെ 

ജീവിതത്തിലെ 

വിലയേറിയ 

നിമിഷങ്ങൾ

നിന്നോട് 

കൂടെയുള്ള 

നിമിഷങ്ങളാണ്.

(റാബിഅതുൽ അദവിയ്യ💖)

_________________________

റുമി, ശംസ് മൊഴിമുത്തുകൾ

(24)

നിന്നെ 

ഓർക്കാതെ

ഒരു 

നിമിഷം 

പോലും 

ഈ 

ഭൂമിയിൽ 

എനിക്ക് 

ജീവിക്കാനാവില്ല.

പിന്നെയെങ്ങിനെയാണ് 

നിന്നെ 

കാണാത്ത 

പരലോകം 

എനിക്ക് 

സഹിക്കാൻ 

കഴിയുക?

നിന്റെ 

ഭൂമിയിലെ 

വഴിപോക്കനാണ് 

ഞാൻ, 

നിന്റെ 

ആരാധകരിലെ 

ഏകാകിയും.

(റാബിഅതുൽ അദവിയ്യ💗)

_________________________

(25)

ഈ 

ലോകത്ത്

നിങ്ങൾ 

വല്ലതും 

പ്രവർത്തിക്കുന്നുവെങ്കിൽ 

എന്നന്നും 

ഇവിടെ 

ജീവിക്കുമെന്ന 

പോലെ 

പ്രവർത്തിക്കുക. 

പരലോകത്തിന് 

വേണ്ടി 

നിങ്ങൾ 

വല്ലതും 

ചെയ്യുന്നുവെങ്കിൽ 

നാളെ 

മരിക്കുമെന്നപോലെ 

പ്രവർത്തിക്കുക.

(ഇമാം അലി❤️)

_________________________

സൂഫികളുടെ മൊഴിമുത്തുകൾ (16-20) || Sufi Quotes in Malayalam

(16)

പൂർണ്ണ ഹൃദയത്തോടെ

നിങ്ങൾ പ്രണയത്തെ

തേടുന്നുവെങ്കിൽ, അതിന്റെ പ്രതിധ്വനികൾ ഈ പ്രപഞ്ചമാകെ നിങ്ങൾക്ക് കേൾക്കാം

                         (റൂമി😘)

_________________________

(17)

പഴം നൽകാത്ത 

മരത്തിൽ 

ആരും 

കല്ലെറിയാറില്ല

      (സഅദീ ശീറാസി❤️)

_________________________

(18)

ദൈവത്തിന്റെ ഇഷ്ടക്കാർ പാവപ്പെട്ടവന്റെ വിനയശീലമുള്ള ധനികനും, ധനികന്റെ ഔദാര്യമുള്ള ദരിദ്രനുമത്രെ..

           

       (സഅദീ ശീറാസി)

_________________________

(19)

എല്ലാ മുഖങ്ങളിലും വെളിപ്പെടുന്നവൻ അവൻ,

എല്ലാ മുദ്രകളിലും തിരയപ്പെടുന്നവൻ അവൻ,

എല്ലാ കണ്ണുകളും നോക്കുന്നതും അവനെ.

            (ഇബ്നു അറബി)

_________________________

(20)

പ്രണയത്തിന്റെ സാർത്ഥവാഹക സംഗങ്ങൾ സഞ്ചരിച്ചുകൊണ്ടിരിക്കുന്ന അനുരാഗ വീഥിയെ ഞാൻ അനുഗമിക്കുന്നു. എന്റെ മതവും എന്റെ വിശ്വാസവും പ്രണയമാണ്.

       (ഇബ്നു അറബി❤️)

_________________________

സൂഫികളുടെ മൊഴിമുത്തുകൾ (11-15) || Sufi Quotes in Malayalam || Alif Ahad

(11)

ആത്മാവിനെ പ്രണയം നയിക്കട്ടെ. 

അതിലാവട്ടെ വിരാമവും.

ഒരു ഗുഹാവാസം പോലെ,

ഉൺമയുടെ പൊരുൾ തേടിയുള്ള ഏകാന്തവാസം.

         (ഫരീദുദ്ദീൻ അത്താർ💖)

________________________

(12)

തനിച്ചായിപ്പോയല്ലോ

എന്ന് കരുതേണ്ട, 

ഈ പ്രപഞ്ചം മുഴുവൻ

നിന്റെയുള്ളിലാണ്

                     (റൂമി❤️)

________________________

(13)

എന്തൊരത്ഭുതം! ഒരിക്കലും ഒളിച്ചോടാനാവാത്ത ഒന്നിൽ നിന്ന് ഓടിയകലുകയും, പിന്നെ ക്ഷണഭംഗുരമായ ഒന്നിനെ അന്വേഷിക്കുകയും ചെയ്യുന്ന ഒരുത്തന്റെ കാര്യം അത്ഭുതം തന്നെ.

നിശ്ചയം കണ്ണുകൾക്കല്ല അന്ധത ബാധിച്ചത്, ഹൃദയങ്ങൾക്കാണ്.

                     (ഇബ്നു അതാഇല്ലാഹ്💕)

_________________________

(14)

ആത്മാവ് ആത്മാവിൽ നിന്ന് ആ അറിവ് സ്വീകരിക്കുന്നു, പുസ്തകത്തിലൂടെയോ നാവിൽ നിന്നോ അല്ല. 

മനസ്സിന്റെ ശൂന്യതയ്ക്കുശേഷം നിഗൂഢ രഹസ്യങ്ങളെക്കുറിച്ചുള്ള അറിവ് വന്നാൽ, അത് ഹൃദയത്തിന്റെ പ്രകാശമാണ്.

                        (റൂമി💖)

_________________________

(15)

ലൈലയെ കാണേണ്ട കണ്ണുകൾ കൊണ്ട് ഞാൻ മറ്റു പലരെയും കാണുന്നു.

കണ്ണുനീർ തുള്ളികൾ കൊണ്ട് എന്റെ കണ്ണുകൾ ശുദ്ധിയാക്കിയിട്ടുമില്ല.

പിന്നെങ്ങിനെ ഞാനെന്റെ ലൈലയെ കാണും?

                      (മജ്നു)

സൂഫികളുടെ മൊഴിമുത്തുകൾ (6-10)

(6)

നിന്റെ മനുഷിക പ്രകൃതങ്ങളിൽ നിന്നും അവനോടുള്ള ദാസ്യതക്ക് യോജിക്കാത്തവ നീ ഒഴിവാക്കുക. എങ്കിൽ നിനക്ക് അവന്റെ വിളിക്കുത്തരം നൽകാനാവും, അവന്റെ സമീപസ്ഥനുമാവാം.

                (ഇബ്നു അതാഇല്ലാഹ്)

_________________________

(7)

ഞാൻ പറഞ്ഞു : അല്ലാഹുവേ നിന്നെ അറിയാതെ ഞാൻ മരിക്കില്ല. അവൻ പറഞ്ഞു : എന്നെ അറിഞ്ഞവൻ ഒരിക്കലും മരിക്കില്ല.

                          (റൂമി)

________________________

(8)

ആത്മശിക്ഷണത്തിന്റെ ആത്യന്തികമായ ലക്ഷ്യം ഒരാൾ അവന്റെ ഹൃദയം സധാസമയവും ദൈവ സന്നിധിയിലാണന്ന് അറിയലാണ്.

            (ഇമാം ഗസാലി)

_________________________

(9)

ആരുമില്ലാത്തപ്പൊഴും എന്റെ പ്രേമഭാജനം ഉണ്ടായിരുന്നു. അവനപ്പോഴെങ്ങനെയായിരുന്നോ ഇപ്പോഴും അങ്ങനെ

            (ഇബ്നു അതാഇല്ലാഹ്)

_________________________

(10)

മുപ്പതോളം വർഷം ഞാൻ ദൈവത്തെ അന്വേഷിച്ചു. പക്ഷെ പിന്നീട് ഞാൻ ശ്രദ്ധയോടെ നിരീക്ഷിച്ചപ്പോൾ എനിക്ക് ബോധ്യമായി "ദൈവം എന്നെ തിരയുകയായിരുന്നു എന്ന് "

              (ബായസീദുൽ ബിസ്ത്വാമി)

സൂഫികളുടെ മൊഴിമുത്തുകൾ (1-5)

(1)

ദൈവത്തെ പുൽകാൻ ഒരു പാട് മാർഗങ്ങളുണ്ട്.

എന്നാൽ, ഞാൻ തിരഞ്ഞെടുത്തത് പ്രണയമാർഗത്തെയാണ് .

റൂമി (റ)🖤

➖➖➖➖➖➖➖➖➖➖➖➖➖➖

(2)

സൃഷ്ടികളുടെ രൂപങ്ങൾ മാത്രം പ്രതിഫലിക്കപ്പെടുന്ന ഹൃദയമെന്ന കണ്ണാടി എങ്ങിനെയാണ് ദൈവീകതയാൽ പ്രകാശിക്കപ്പെടുക..!?

അല്ലങ്കിൽ, സ്വന്തം ദേഹേച്ചയിൽ തളക്കപ്പെട്ട ഹൃദയം എങ്ങനെയാണ് പ്രപഞ്ചനാഥനിലേക്ക് പ്രയാണം നടത്തുക..!?

  (ഇബ്നു അതാഇല്ലാഹ് (റ)💛)

➖➖➖➖➖➖➖➖➖➖➖➖➖➖

(3)

അശ്രദ്ധ കൊണ്ട് മാലിനമായ ഹൃദയം ശുദ്ധിയാക്കാതെ പിന്നെങ്ങിനെയാണ് അവൻ ദൈവ സന്നിധിയിലേക്ക് പ്രവേശിക്കാൻ ആഗ്രഹിക്കുക?

  (ഇബ്നു അതാഇല്ലാഹ് (റ)❤️)

➖➖➖➖➖➖➖➖➖➖➖➖➖➖

(4)

തൻ്റെ മര്യാദാലംഘനത്തെ ഇതു വരെ അനുതപിക്കാത്ത ഹൃദയത്തിന്

എങ്ങിനെയാണ് സൂക്ഷ്മവും നിഗൂഢവുമായ ദൈവീക രഹസ്യങ്ങളെ മനസ്സിലാക്കാനാവുക?

  (ഇബ്നു അതാഇല്ലാഹ്)

➖➖➖➖➖➖➖➖➖➖➖➖➖➖➖

(5)

വിശ്വ പ്രപഞ്ചം/ 'നീ എന്ന പ്രപഞ്ചം മുഴുക്കെയും ഇരുളാണ്. പരമ ചൈതന്യമായ ദൈവം ഉദിക്കുമ്പോഴാണ് അവിടം പ്രകാശ പൂരിതമാവുന്നത്. ആരെങ്കിലും പ്രപഞ്ചത്തെ മാത്രം കാണുകയും, അതിലോ, അത് കൊണ്ടോ, അതിനു മുമ്പോ, അതിനു ശേഷമോ അതിൻ്റെ രക്ഷിതാവിനെ കാണാതിരിക്കുകയോ ചെയ്താൽ അവനിൽ ദൈവീക പ്രകാശം ആവശ്യമായിരിക്കുന്നു. ആത്മജ്ഞാനമാകുന്ന സൂര്യൻ സൃഷ്ടി രൂപങ്ങളായ മേഘങ്ങളാൽ മൂടപ്പെട്ടിരിക്കുന്നു.

  (ഇബ്നു അതാഇല്ലാഹ് (റ)💜)