Alifahad

1. ദരിദ്രനായ സൂഫിയും ധനികനായ സൂഫിയും 2. കച്ചവടക്കാരനായ സൂഫി 3. യഥാർത്ഥ ഗുരുവിനെയും തേടി 4. ദിവ്യാനുരാഗികൾക്ക് ഭയമോ ദുഃഖമോ ഇല്ല 5. നിധി കൂടെയുണ്ട് പക്ഷേ, നാം തിരിച്ചറിയുന്നില്ല എന്ന് മാത്രം 6. സൂഫി ഗുരുവായ പിതാവ് തൻറെ മോനെ ഉപദേശിക്കുന്നു 7. സംഭവിച്ചതെല്ലാം നല്ലതിന്,ഇനി സംഭവിക്കാൻ പോകുന്നതും നല്ലതിന് 8. ഉപാധികളില്ലാത്ത പ്രണയം 9. ദിവ്യാനുരാഗികൾക്കായി രണ്ട് പ്രണയകഥകൾ 10. ഓരോ നിമിഷവും അമൂല്യമാണ് 11. സൂഫി ഗുരുവിന്റെ ഗുരു 12. സൂഫി ഗുരുവിന്റെ രണ്ടാമത്തെ ഗുരു 13.  സൂഫി ഗുരുവിന്റെ മൂന്നാമത്തെ ഗുരു   14. മുഹമ്മദ് റസൂലുള്ള - പുരുഷാകൃതി പൂണ്ട ദിവ്യ പ്രഭ  15. ഖലീഫ ഉമറിന്റെ (റ) നീതിബോധം 16. അസൂയക്ക് ഒരു ഒറ്റ മൂലി 17. അപവാദം പറഞ്ഞവന് ഗുരു നിർദ്ദേശിച്ച പരിഹാര ക്രിയ 18. സൂഫിയുടെ മനോഭാവം

ഗുരു ലുഖ്മാനുൽ ഹക്കീം അടിമയായിരിക്കെ തന്റെ യജമാനൻ ഒരാടിനെ അറുക്കുവാൻ വേണ്ടി നൽകി. ശേഷം കൽപ്പിച്ചു: ഈ ആടിന്റെ ഏറ്റവും നല്ല ഭാഗം വേവിച്ച് കൊണ്ട് വരുക. അപ്പോൾ ലുഖ്മാനുൽ ഹകീം (റ) ആടിനെ അറുത്ത ശേഷം അതിന്റെ നാവെടുത്ത് വേവിച്ച് യജമാനന് നൽകി. പോഷക സമൃദ്ധമായ മറ്റു പല ഭാഗങ്ങളുമുണ്ടായിട്ടും എല്ലാവരും വെറുക്കുന്ന നാവ് വേവിച്ചത് കണ്ട യജമാനൻ ദേഷ്യപ്പെട്ട് അദ്ദേഹത്തെ ചീത്ത വിളിക്കുകയും ക്രൂരമായി അടിക്കുകയും ചെയ്തു. മാസങ്ങൾ കഴിഞ്ഞ ശേഷം യജമാനൻ അദ്ദേഹത്തെ വിളിച്ച് മറ്റൊരാടിനെ നൽകി. അന്ന് അയാൾ പറഞ്ഞത് എനിക്ക് ഈ ആടിന്റെ ഏറ്റവും വൃത്തികെട്ട ഭാഗമാണ് വേണ്ടത്. കൊണ്ടുവരൂ... അന്നും ലുഖ്മാൻ (റ) ആടിനെ അറുത്ത് അതിന്റെ നാവ് തന്നെയാണ് കൊണ്ടുവന്നത്. കൗതുകത്തോടെ യജമാനൻ ചോദിച്ചു. അന്നൊരിക്കൽ ഞാൻ ഏറ്റവും നല്ല അവയവം കൊണ്ട് വരാൻ കൽപ്പിച്ചപ്പോഴും നീ നാവ് കൊണ്ട് വന്നു. ഇന്ന് ഞാൻ ഏറ്റവും ചീത്ത അവയവം കൊണ്ട് വരാൻ കൽപ്പിച്ചപ്പോഴും നീ നാവ് കൊണ്ട് വന്നു. എന്താണ് കാരണം!? ഗുരു ലുഖ്മാൻ പറഞ്ഞു: നല്ലതെങ്കിൽ ഏറ്റവും നല്ല അവയവം നാവാണ്. ചീത്തയായാലോ, ആ നാവിനേക്കാൾ വൃത്തികെട്ട മറ്റൊരവയവമില്ല. അതുകൊണ്ടാണ് ഞാൻ അങ്ങനെ ച...

ഫഖ്റുദ്ദീൻ അർ-റാസി എന്ന വിശ്വപ്രസിദ്ധ പണ്ഡിതരെ കുറിച്ച് കേൾക്കാത്തവർ കുറവായിരിക്കും. ഇസ്ലാമിക ജ്ഞാനലോകത്തെ അത്ഭുത പ്രതിഭയായിരുന്നു അദ്ധേഹം. ആറാം നൂറ്റാണ്ടിന്റെ മുജദ്ദിദ് അഥവാ പരിഷ്കർത്താവ് എന്നറിയപ്പെട്ട മഹാൻ കൈ വെക്കാത്ത വൈജ്ഞാനിക ശാഖകൾ ഉണ്ടായിരുന്നില്ല എന്ന് ചരിത്രകാരന്മാർ പറയുന്നു. തഫ്സീറുൽ കബീർ എന്ന അദ്ധേഹത്തിന്റെ ഖുർആൻ വ്യാഖ്യാനം ബൃഹത്തായ ഒരു ഗ്രന്ഥം തന്നെയാണ്. തത്വശാസ്ത്രത്തിലും ആത്മീയതയിലും അറബി ഭാഷാ സാഹിത്യത്തിലും ഭൂമിശാസ്ത്രം ഗോളശാസ്ത്രം പ്രകൃതി ശാസ്ത്രം തുടങ്ങിയ നിരവധി മേഖലകളിൽ തന്റെ വ്യക്തി മുദ്ര പതിപ്പിച്ച അദ്ദേഹം  ഇവയെല്ലാം തന്റെ സത്യാന്വേഷണത്തിന്റെ ഭാഗമായാണ് നിർവ്വഹിച്ചത്. പ്രപഞ്ചനാഥന്റെ അസ്തിത്വത്തെ കുറിച്ചും നാഥന്റെ വിശേഷണങ്ങളെ കുറിച്ചും അദ്ദേഹം കൂടുതൽ ചിന്തിക്കുകയും തന്റെ കാലഘട്ടത്തിലെ നിരീശ്വര - യുക്തിവാദികളെ തന്റെ ധിഷണാവൈഭവം കൊണ്ട് മുട്ട് മുത്തിക്കുകയും ചെയ്തു. പ്രപഞ്ചനാഥന്റെ അനിവാര്യവും അനിഷേധ്യവുമായ അസ്തിത്വത്തിലേക്ക് വിരൽ ചൂണ്ടുന്ന ആയിരക്കണക്കിന് തെളിവുകൾ സമർത്ഥിക്കുന്ന അദ്ധേഹത്തിന്റെ വിശ്വപ്രസിദ്ധമായ മറ്റൊരു ഗ്രന്ഥമാണ് അൽ-മത്വാലിബുൽ ആലിയ...

മറ്റൊരാളുടെ ന്യൂനതകൾ മാത്രം ശ്രദ്ധിക്കാറുണ്ടോ നമ്മൾ? ആളുകൾ ചെയ്യുന്ന നന്മകൾ കാണാതെ അവരുടെ തെറ്റുകൾ മാത്രം കണ്ടെത്തുകയും അതിൽ ആനന്ദിക്കുകയും ചെയ്യുന്നത് പൊതുവെ മാനുഷിക പ്രകൃതമാണ്.  ഇതിൻറെ കാരണം എന്തായിരിക്കും.  നമുക്കൊരു കഥയിലൂടെ അതിന്റെ കാരണം കണ്ടെത്താം.  ഒരിക്കൽ ഒരു ഭാര്യയും ഭർത്താവും ജോലി ആവശ്യാർത്ഥം പുതിയൊരു ദേശത്തേക്ക് താമസം മാറി. അവിടെ വളരെ ആകർഷണീയമായ, ഗൃഹാതുരത്വം തുളുമ്പുന്ന ഒരു പഴയകാല മോഡൽ വീടായിരുന്നു അവർക്ക് ലഭിച്ചത്.  അവർക്കാ വീട് വളരെയധികം ഇഷ്ടമായി.  കൊണ്ടുവന്ന വീട്ടുപകരണങ്ങൾ എല്ലാം ഒരു ഭാഗത്ത് വെച്ച് രണ്ടുപേരും തങ്ങളുടെ പുതിയ വീട് ഒന്നു വിശദമായി കാണാൻ തീരുമാനിച്ചു.  അങ്ങനെ അവർ മാളികപ്പുറത്തേക്ക് കയറി. മുകളിലത്തെ ഹാളിൽ ഒരു ഗ്ലാസിന്റെ കിളിവാതിൽ ഉണ്ടായിരുന്നു. ഗ്ലാസിലൂടെ പുറത്തേക്ക് നോക്കി കൊണ്ട് ധൃതിയോടെ ഭാര്യ ഭർത്താവിനെ വിളിച്ചു. ഭർത്താവ് അവളുടെ അരികെ വന്ന് കൊണ്ട് ചോദിച്ചു. എന്താണു കാര്യം?  അവൾ പുച്ഛഭാവത്തോടെ പറഞ്ഞു, അപ്പുറത്തെ വീട്ടിലേക്കൊന്നു നോക്കൂ..  എന്തൊരു വൃത്തികെട്ട വീടാണത്.  സ്വന്തം വീടിനെ...

സൂഫിയുടെ ധ്യാനം | Sufi Meditation in Malayalam സൂഫിയുടെ ധ്യാനം തൻറെ മെഹബൂബിനെ കുറിച്ചുള്ള ഓർമ്മയാണ്. എല്ലാത്തിന്റെയും തുടക്കത്തിലും മധ്യത്തിലും അവസാനത്തിലുമെല്ലാം ദൈവത്തെ അവൻ സ്മരിക്കുന്നു.  അവരുടെ ശ്വാസവും നിശ്വാസവുമെല്ലാം പ്രണയ ഭാജനത്തിൻറെ ഓർമ്മയോടെയായിരിക്കും. സൂഫി സാമ്രാജ്യത്തിലെ സുൽത്താൻ അജ്മീർ ഖാജാ തങ്ങൾ ധ്യാനാവസ്ഥയിൽ ഓരോ ശ്വാസത്തിലും ഏഴുതവണ എൻറെ മഅ്ശൂഖിനെ ഓർക്കുമായിരുന്നു. അവരുടെ മുഴുവൻ സമയവും ധ്യാനമായിരുന്നു.  കാല്പനികവും സാങ്കൽപ്പികവുമായ ധ്യാനത്തിനപ്പുറം ഹൃദയത്തിൻറെ ധ്യാന കവാടം തുറന്നു കഴിഞ്ഞാൽ പിന്നെ ആ ധ്യാനത്തിൽ നിന്ന് വിരമിക്കാനാവില്ല. ഈ അവസ്ഥയിലൂടെ കടന്നുപോകുന്ന സൂഫിയുടെ ഹൃദയം നാൾക്കുനാൾ വിശാലമാകുന്നു.  വിശ്വ ചൈതന്യമായ പ്രപഞ്ചനാഥനെ ഉൾക്കൊള്ളാൻ മാത്രമുള്ള വിശാലതയിലേക്ക് അവൻറെ ഹൃദയം വികാസം പ്രാപിക്കുന്നു. ഖുദ്സിയ്യായ ഹദീസിൽ ഇങ്ങനെ കാണാം, എന്നെ ഉൾക്കൊള്ളാൻ അർശിനു പോലും സാധ്യമല്ല. എന്നാൽ മനുഷ്യ ഹൃദയത്തിനു കഴിയും. ധ്യാനം പ്രിയനോടുള്ള രഹസ്യ സംഭാഷണമാണ്. അതുകൊണ്ട് തന്നെ ഒരാൾ ധ്യാനത്തിലാണോ അല്ലയോ എന്ന് അയാളുടെ പ്രത്യക്ഷ ഭാവം കണ്ട് തിരി...

ഗുരുവും കോങ്കണ്ണനായ ശിഷ്യനും മൗലാനാ ജലാലുദ്ധീൻ റൂമി ഒരു ഗുരുവിന്റെയും വക്രദൃഷ്ടിയുള്ള ഒരു ശിഷ്യന്റെയും കഥ തന്റെ വിശ്വോത്തര ഗ്രന്ഥനമായ മസ്നവിയിൽ പറയുന്നുണ്ട്. ഒരിക്കൽ ഗുരു കോങ്കണ്ണുള്ള തന്റെ ശിഷ്യനോട് പറഞ്ഞു: ആ കാണുന്ന കോഴിയെ പിടിച്ച് കൊണ്ട് വരൂ,  കണ്ണിന് പ്രോബ്ലമുള്ള ആ ശിഷ്യൻ ചില വസ്തുക്കളെ ഇരട്ടയായി കാണുമായിരുന്നു. അയാൾ അവിടെയുണ്ടായിരുന്ന ഒരു കോഴിയെ രണ്ടെണ്ണമായിട്ടാണ് കണ്ടത്. അയാൾ ചോദിച്ചു: രണ്ട് കോഴികളിൽ ഏതിനെയാണ് ഞാൻ പിടിച്ചു കൊണ്ട് വരേണ്ടത്? ഗുരു പറഞ്ഞു: അവിടെ ആകെ ഒരു കോഴിയല്ലേ ഒള്ളൂ.. ശിഷ്യൻ സമ്മതിച്ചില്ല.  ഗുരു പല തവണ ശിഷ്യന് മനസ്സിലാക്കിക്കൊടുക്കാൻ ശ്രമിച്ചു. നിന്റെ കണ്ണിന്റെ പ്രശ്നം കാരണമാണ് നിനക്ക് രണ്ടെണ്ണം ഉള്ളത് പോലെ തോന്നിയത്. യഥാർത്ഥത്തിൽ ഒന്നേ ഒള്ളു. എന്നാൽ ശിഷ്യന് താൻ കണ്ട യാഥാർത്ഥ്യത്തെ നിഷേധിക്കാൻ കഴിഞ്ഞില്ല. അയാൾ കരുതിയത് ഗുരു തന്നെ വെറുതെ കളിയാക്കുകയും പരിഹസിക്കുകയും ചെയ്യുകയാണ് എന്നാണ്. എത്ര തവണ പറഞ്ഞിട്ടും മനസ്സിലാവാത്ത ശിഷ്യനോട് ഗുരു പറഞ്ഞു: എങ്കിൽ നീ അതിൽ ഏതെങ്കിലും ഒരു കോഴിയെ അറുക്കുകയും മറ്റേ കോഴിയെ ജീവനോടെ കൊണ്ടു വരികയ...

ഒരു വ്യക്തി എല്ലാ രാത്രിയിലും പ്രാർത്ഥിക്കുമായിരുന്നു, ദൈവമേ.. എനിക്കൊരു ആഗ്രഹമുണ്ട്. ഒരേയൊരാഗ്രഹം.  അത് നിറവേറ്റി തരണേ.. എത്രയോ കാലമായി ഞാൻ നിന്നോട് പ്രാർത്ഥിക്കുകയാണല്ലോ. എന്റെ പ്രാർത്ഥന ഒരിക്കലെങ്കിലും നീ സ്വീകരിക്കുമോ?  ഭൂമിയിലെ ഏറ്റവും കഷ്ടപ്പാട് അനുഭവിക്കുന്ന ആൾ ഞാനാണ്.  എന്തുകൊണ്ടാണ് നീ എനിക്ക് ഇത്രത്തോളം ബുദ്ധിമുട്ടുകൾ നൽകി പരീക്ഷിക്കുന്നത്.  "എനിക്ക് എൻ്റെ കഷ്ടപ്പാടുകൾ മറ്റാർക്കെങ്കിലും കൈമാറാനുള്ള ഒരു അവസരം തരണേ..  എനിക്ക് നിന്നോട് മറ്റൊന്നും ചോദിക്കാനില്ല.  എനിക്കെന്റെ ദുരിതങ്ങൾ  മറ്റാർക്കെങ്കിലും കൈമാറണം. അത്രയേ ഉള്ളൂ.  അങ്ങനെ ഒരു ദിവസം രാത്രി ദൈവം സംസാരിക്കുന്നത് അയാൾ കിനാവുകണ്ടു. സ്വർഗ്ഗത്തിൽനിന്നും ഉൽകൃഷ്ടമായ ഒരു ശബ്ദം അവൻ കേട്ടു.  "എല്ലാവരും നിങ്ങളുടെ ദുരിതങ്ങൾ ഒരു സഞ്ചിയിലാക്കി ദേവാലയത്തിലേക്ക് കൊണ്ടു വരിക"  അങ്ങനെ പ്രദേശവാസികളെല്ലാം തങ്ങളുടെ ദുരിതങ്ങളുടെ ഭാണ്ഡവുമായി ആ ദേവാലയത്തിലേക്ക് വന്നു. അയാൾക്ക് സന്തോഷം അടക്കാനായില്ല.  കാരണം തന്റെ ഒരുപാട് കാലത്തെ അഭിലാഷം പൂവണിയാൻ പോവുകയാണ...

ദുന്നൂൻ അബുൽ ഫൈദ് അൽ മിസ്രി അഥവാ ദുന്നൂനുൽ മിസ്രി എന്ന മഹാജ്ഞാനിയായ ഒരു സൂഫി ഗുരു ഈജിപ്തിൽ ജീവിച്ചിരുന്നു.  AD 796 ലാണ് അദ്ദേഹം ജനിച്ചത്. ഒരു ദിവസം തന്റെ യാത്രക്കിടയിൽ അദ്ദേഹം ഒരു അരുവിക്കരികിലെത്തി. അങ്ങനെ അദ്ദേഹം അരുവിയിലേക്കിറങ്ങുകയും പ്രാർത്ഥനക്ക് വേണ്ടി അംഗസ്നാനം ചെയ്യുകയും ചെയ്തു. ആ സമയം കുറച്ചപ്പുറത്തുള്ള ഒരു മാളികയിൽ നിന്നും ഒരു സുമുഖിയായ സ്ത്രീ അദ്ദേഹത്തെ നോക്കി നിൽക്കുന്നു. ഇത് കണ്ട് ഗുരു ദുന്നൂനുൽ മിസ്രി ആ സ്ത്രീയുടെ അടുത്തേക്ക് ചെന്നു. ശേഷം അവരോട് എന്തെങ്കിലും സംസാരിക്കുവാനായി ആവശ്യപ്പെട്ടു. അപ്പോൾ ആ സ്ത്രീ പറഞ്ഞു: അകലെ നിന്ന് ഞാൻ നിങ്ങളെ നോക്കിയപ്പോൾ നിങ്ങളൊരു ഭ്രാന്തനാണ് എന്നാണ് ഞാൻ കരുതിയത്. പിന്നെ നിങ്ങൾ കുറച്ചടുത്ത് വന്നപ്പോൾ എനിക്ക് തോന്നി, നിങ്ങളൊരു ജ്ഞാനിയാണ് എന്ന്. അൽപം കൂടി മുന്നോട്ട് വന്നപ്പോൾ നിങ്ങൾ ഒരു ആത്മജ്ഞാനിയാണെന്ന് ഞാൻ ചിന്തിച്ചു. എന്നാൽ നിങ്ങളെന്നോട് സംസാരിച്ചപ്പോൾ എനിക്ക് മനസ്സിലായി,  നിങ്ങളീ മേൽ പറയപ്പെട്ട ഒന്നുമല്ല എന്ന്. അപ്പോൾ അദ്ദേഹം ആ സ്ത്രീയോട് ചോദിച്ചു: നിങ്ങൾ ഇങ്ങനെയൊക്കെ ചിന്തിക്കാനുളള കാര...

ഒരിക്കൽ ഗുരു ഹസൻ ബസരി തങ്ങൾ ടൈഗ്രീസ് നദിയുടെ കരയിലൂടെ സഞ്ചരിക്കുകയായിരുന്നു. അപ്പോൾ അവിടെ കറു കറുത്ത ഒരു മനുഷ്യനെ കണ്ടു. അയാളുടെ കയ്യിൽ ഒരു കുപ്പിയുണ്ട്.  അടുത്ത് ഒരു സ്ത്രീ ഇരിക്കുന്നുമുണ്ട്.  അപ്പോൾ ഗുരു ഹസൻ ബസരി ചിന്തിച്ചു. ഇയാൾ എന്നേക്കാൾ ശ്രേഷ്ഠനാണോ?  പിന്നെ ചിന്തിച്ചു: അയാൾ ഒരു സ്ത്രീയുടെ കൂടെയിരുന്ന് മദ്യപിക്കുകയായിരുന്നില്ല എങ്കിൽ ഇയാളും എന്നെക്കാൾ ശ്രേഷ്ടൻ തന്നെ. ഇങ്ങനെ ചിന്തിച്ച് കൊണ്ടിരിക്കുമ്പോൾ നദിയിൽ കുറച്ചകലെ ഒരു വഞ്ചി പ്രത്യക്ഷപ്പെട്ടു.  അതിൽ കുറേ ആളുകളും ചരക്കുകളും ഉണ്ടായിരുന്നു. അങ്ങനെ ആ വഞ്ചി ഒരു ഭാഗത്തേക്ക് ചെരിയുകയും ആളുകളും ചരക്കുകളും നദിയിലേക്ക് മറിയുകയും ചെയ്തു. അതിൽ ഏഴാളുകളുണ്ടായിരുന്നു. അവരെല്ലാം വെളളത്തിൽ മുങ്ങിത്താഴാൻ തുടങ്ങി.  പെട്ടന്ന് തന്നെ മേൽ പറയപ്പെട്ട ആ വ്യക്തി തന്റെ വസ്ത്രം അഴിച്ചു വെച്ച് ടൈഗ്രീസ് നദിയിലേക്ക് എടുത്ത് ചാടി.  ശേഷം മുങ്ങിത്താഴ്ന്ന് കൊണ്ടിരിക്കുന്ന ആറ് പേരെയും നിഷ്പ്രയാസം കരയിലേക്ക് രക്ഷപ്പെടുത്തി. എന്നിട്ട് ഹസൻ ബസരി തങ്ങളുടെ നേരെ തിരിഞ്ഞ് കൊണ്ട് കുറച്ച് ഉച്ചത്തിൽ പറഞ്ഞു: ഓ ഹസ...

അപവാദങ്ങൾ പറഞ്ഞവനോട് ഗുരു നിർദ്ദേശിച്ച പരിഹാര ക്രിയ  മറ്റുള്ളവരെ കുറിച്ച് അപവാദങ്ങൾ പറഞ്ഞു നടക്കുന്നതിൽ ആനന്ദം കണ്ടെത്തിയിരുന്ന ഒരു വ്യക്തിയുണ്ടായിരുന്നു. അയാൾ ഒരിക്കൽ ചിന്തിച്ചു, ഞാൻ ഈ ചെയ്യുന്നത് എത്ര മോശമാണ്.  എത്രയെത്ര ആളുകളുടെ മനസ്സ് ഞാൻ വേദനിപ്പിച്ചു. എനിക്ക് എങ്ങനെയെങ്കിലും ഈ ദുഷിച്ച സ്വഭാവത്തിൽ നിന്നും രക്ഷ നേടണം. അങ്ങനെ അയാൾ, താൻ ഇത്രയും നാൾ നടത്തിയ അപവാദ പ്രചാരണങ്ങൾക്ക് പകരമായി ആ ദോഷങ്ങൾ പൊറുത്തു കിട്ടുവാൻ എന്തെങ്കിലും പരിഹാരക്രിയകൾ ചെയ്യുവാൻ വേണ്ടി ഒരു സൂഫി ഗുരുവിനെ സന്ദർശിച്ചു. സൂഫി ഗുരുവിനോട് അദ്ദേഹം പറഞ്ഞു: ഞാൻ ഒരുപാട് ആളുകളെ കുറിച്ച് അപവാദങ്ങൾ പറഞ്ഞു നടന്നവനാണ്. ഞാൻ കാരണം പലരും ദുഃഖിച്ചിട്ടുണ്ട്. അതുകൊണ്ട് എനിക്ക് വല്ല പരിഹാരക്രിയകളും പറഞ്ഞു തരണേ...  ഒരല്പ സമയം കണ്ണടച്ച് മൗനിയായി ഇരുന്നുകൊണ്ട് മഹാനായ സൂഫീ ഗുരു പറഞ്ഞു, മോനേ നീ ഒരു കുട്ട നിറയെ പക്ഷികളുടെ തൂവലുകൾ ശേഖരിക്കണം.  ശേഷം അതുമായി നീ ഒഴിഞ്ഞ മരുഭൂമിയിലേക്ക് പോകണം. നിന്റെ കുട്ടയിലുള്ള മുഴുവൻ തൂവലുകളും നീ അവിടെ കളഞ്ഞിട്ട് വരണം.  അസൂയക്ക് ഒരു ഒറ്റമൂലി ...

നീതിമാനായ ഭരണാധികാരി എന്ന നാമത്തിൽ ലോക പ്രസിദ്ധി നേടിയവരാണല്ലോ ഖലീഫ ഉമർ(റ)  അദ്ധേഹം പ്രജകളുടെ ക്ഷേമാന്വേഷണത്തിനായി രാത്രി കാലങ്ങളിൽ തെരുവീഥികളിലൂടെ വേഷ പ്രച്ഛന്നനായി നടക്കാറുണ്ടായിരുന്നു.  ഒരു രാത്രി മഹാനുഭാവൻ ഒരു വഴിയിലൂടെ നടന്നു പോകുമ്പോൾ ആരോ ഒരാൾ പാട്ട് പാടുന്നത് കേട്ടു.  അതൊരു വീട്ടിൽ നിന്നായിരുന്നു. എന്താണവിടെ നടക്കുന്നത് എന്നറിയാൻ അദ്ധേഹം മതിലിനിടയിലൂടെ നോക്കി. അപ്പോൾ അദ്ധേഹം കണ്ട കാഴ്ച, ആ വീട്ടുകാരൻ മദ്യപിച്ചു കൊണ്ടിരിക്കുകയാണ്. മദ്യപിച്ച് മത്ത് പിടിച്ച് അയാൾ പാട്ടുപാടുകയാണ്.   സാമൂഹ്യ വിപത്തായ മദ്യപാനത്തെ വളരെ വലിയ കുറ്റകരമായാണ് അറേബ്യൻ ലോ കണക്കാക്കിയിരുന്നത്. അവിടുത്തെ നിയമ പ്രകാരം മദ്യപിച്ചവനെ 40 ചാട്ടയടിക്കണം എന്നാണ്. ഖലീഫ ഉച്ചത്തിൽ വിളിച്ചു പറഞ്ഞു: ഏയ് മനുഷ്യാ, വിശുദ്ധ ഖുർആൻ വിലക്കിയ മദ്യം കഴിക്കാൻ നിനക്ക് നാണമില്ലേ? പ്രപഞ്ചനാഥൻ നീ ചെയ്യുന്ന ദോഷങ്ങൾ കാണുകയില്ല എന്നാണോ നീ ധരിക്കുന്നത്? ഉടനെ ആ വ്യക്തി ഖലീഫയോട് പറഞ്ഞു: ഓ, അമീറുൽ മുഅ്മിനീൻ, ഞാൻ ഒരു തെറ്റ് ചെയ്തു. അത് ഞാൻ സമ്മതിക്കുകയും ചെയ്യുന്നു. എന്നാൽ നിങ്ങൾ എന്നെ കുറ്റപ്പെട...

മരണമാസന്നമായി കിടക്കുന്ന ഗുരു ഹസൻ പറയുകയാണ്, എൻറെ മൂന്നാമത്തെ ഗുരു ഒരു കുട്ടിയായിരുന്നു. ഞാൻ ഒരു സന്ധ്യാസമയം ഒരു ടൗണിൽ ഇരിക്കുമ്പോൾ ഒരു കുട്ടി വിളക്ക് പിടിച്ചു കൊണ്ട് പള്ളിയിലേക്ക് നടന്നു പോകുന്നത് എൻറെ ശ്രദ്ധയിൽപ്പെട്ടു. വിളക്ക് അണയാതെ മെല്ലെ മെല്ലെ നടന്നു പോകുന്ന അവനെ കണ്ടപ്പോൾ എനിക്ക് ചിരി വന്നു. ഞാൻ അവനോടു ചോദിച്ചു, മോനേ നീയാണോ ഈ വിളക്കിന്റെ തിരി കത്തിച്ചത്? അവൻ പറഞ്ഞു, അതെ ഗുരുവേ. തമാശരൂപേണ ഞാൻ വീണ്ടും അവനോടു ചോദിച്ചു, നീയാണ് ഈ വിളക്ക് കത്തിച്ചതെങ്കിൽ നീ കത്തിക്കുന്ന സമയത്ത് ഈ വിളക്കിലേക്ക് തീ വരുന്നത് നീ കണ്ടിട്ടുണ്ടാവും.  എങ്കിൽ നീ പറ, എവിടുന്നാണ് ഈ വിളക്കിലേക്ക് തീ വന്നത്? ഇത് കേട്ടുകൊണ്ട് അവൻ പൊട്ടിച്ചിരിച്ചു. എന്നിട്ടവൻ വിളക്ക് ഊതിക്കെടുത്തി.  ശേഷം അവൻ എന്നോട് ചോദിച്ചു, ഗുരുവേ, ഞാനീ വിളക്കിലേക്ക് ഊതിയപ്പോൾ അതിലുണ്ടായിരു തീ പോയത് നിങ്ങൾ കണ്ടില്ലേ? ഇനി നിങ്ങൾ പറ, എവിടേക്കാണാ തീ പോയത്? അപ്രതീക്ഷിതമായ അവൻറെ ആ ചോദ്യം കേട്ട് ഞാൻ ഞെട്ടിപ്പോയി. എൻറെ ഈഗോ അവിടെ പൊട്ടിച്ചിതറി. ഞാൻ വലിയ പണ്ഡിതനും അറിവുള്ളവനുമാണ് എന്ന ധാരണ എനിക്കുണ്ടായിരുന്നു. അത്കൊണ്ട് തന്നെ പലപ്പോഴു...

          മരണ ശയ്യയിൽ കിടക്കുന്ന മഹാനായ സൂഫീ ഗരു ഹസ്സൻ തൻറെ ആദ്യ ഗുരു ഒരു കള്ളനായിരുന്നു എന്ന് ശിഷ്യരോട് വിവരിച്ചു. ഇത് കേട്ട ശിഷ്യർ അദ്ധേഹത്തിന്റെ രണ്ടാമത്തെ ഗുരു ആരാണെന്നറിയാൻ ശ്രദ്ധയോടെ കാത് കൂർപ്പിച്ചു. ഗുരു തുടർന്നു: എൻറെ രണ്ടാമത്തെ ഗുരു ഒരു നായയായിരുന്നു.       ഞാൻ ഒരു ദിവസം ഒരുപാട് നടന്നു. എന്റെ യാത്രക്കിടയിൽ ഞാൻ ദാഹിച്ചവശനായി. അൽപം വെള്ളം ലഭിച്ചിരുന്നെങ്കിൽ. അവസാനം ഞാനൊരു പുഴക്കരയിൽ എത്തി. ആ സമയത്ത് അവിടേക്ക് ഒരു നായ വേച്ച് വേച്ച് വരുന്നുണ്ടായിരുന്നു. അതിനെ കണ്ടാൽ അറിയാം, അതിന് തന്നെപ്പോലെ അസഹനീയമായ ദാഹമുണ്ടെന്ന്.   ആ നായ പുഴയുടെ അരികിലേക്ക് ചെന്ന് പുഴയിലേക്ക് നോക്കി. വെള്ളത്തിലതാ മറ്റൊരു നായ. തന്റെ തന്നെ പ്രതിഭിംഭമാണ് അതെന്ന് മനസ്സിലാകാത്ത നായ പേടിച്ചുകൊണ്ട് പിന്നോട്ട് ചാടി. വീണ്ടുമത് വെള്ളത്തിൽ വന്നു നോക്കി. ഒന്ന് കുരച്ചു. അപ്പോൾ വെള്ളത്തിലുള്ള നായയും കുരച്ചു. ഭയപ്പെട്ടുകൊണ്ട് പിന്നോട്ട് ചാടിയെങ്കിലും തൻറെ ലക്ഷ്യത്തെ തൊട്ട് പിന്മാറാൻ അത് തയ്യാറല്ലായിരുന്നു. കാരണം അതനുഭവിക്കുന്ന ദാഹം ശക്തമായിരുന്നു.  അതുകൊണ്ട് ...

            സൂഫീ ഗുരുവായ ഹസൻ മരണമാസന്നമായി കിടക്കുമ്പോൾ ചിലർ വന്നുകൊണ്ട് അദ്ദേഹത്തോട് ചോദിച്ചു, അങ്ങയുടെ ഗുരു ആരാണ്?  അദ്ദേഹം പറഞ്ഞു, എനിക്കുള്ള സമയം വളരെ പരിമിതമാണ്. ഞാൻ മരിക്കുകയാണ്. ഇപ്പോൾ അതൊന്നും പറയാനുള്ള സമയമല്ല. അപ്പോൾ ചോദ്യകർത്താവ് ചോദിച്ചു, നിങ്ങൾ ഇപ്പോഴും ശ്വസിക്കുന്നു. നിങ്ങൾ സംസാരിക്കുന്നു. വളരെ ലളിതമായിട്ട് പറഞ്ഞാലും, അങ്ങയുടെ ഗുരു ആരാണ്? അപ്പോൾ അദ്ദേഹം പറഞ്ഞു: എൻറെ ഗുരുക്കന്മാരെ കുറിച്ച് പറയുകയാണെങ്കിൽ എനിക്ക് ആയിരത്തിലേറെ ഗുരുക്കൻമാരുണ്ട്. അവരെ മുഴുവൻ പറഞ്ഞു തീരുമ്പോഴേക്കും മാസങ്ങളും വർഷങ്ങളുമെടുക്കും. എനിക്ക് വളരെ പരിമിതമായ സമയമേ ബാക്കിയുള്ളൂ..  എന്നാലും അവരിൽ പ്രധാനികളായ മൂന്ന് പേരെ മാത്രം ഞാൻ പറയാം. എന്നിട്ടദ്ദേഹം പറഞ്ഞു തുടർന്നു, എന്റെ ആദ്യത്തെ ഗുരു ഒരു 'കള്ളൻ' ആയിരുന്നു.  ഞാൻ ഒരു ദിവസം മരുഭൂമിയിൽ അകപ്പെട്ടു പോയി. ഒരുപാട് സമയം ഞാൻ നടന്നു. അവസാനം പാതിരാത്രിയായപ്പോൾ ഞാനൊരു ഗ്രാമപ്രദേശത്തെത്തി.  കടകളെല്ലാം അടഞ്ഞു കിടക്കുകയായിരുന്നു. ഏതെങ്കിലും ഒരു മനുഷ്യനെ കണ്ടിരുന്നെങ്കിൽ എന്ന് ഞാൻ ആഗ്രഹിച്ചു പോയി. അങ്ങനെ ...

              ഒരിക്കൽ ഒരു ധനികനായ പിശുക്കൻ ഉണ്ടായിരുന്നു. അയാൾ വളരെ കഷ്ടപ്പെട്ട് വിശ്രമമില്ലാതെ കച്ചവടം ചെയ്ത് ഒരു പാട് സമ്പാധിച്ചു. ആർക്കും നൽകാതെ പിശുക്കിപ്പിശുക്കി അയാൾ മുന്നൂറ് കോടി ദീനാർ സമ്പാദിച്ചു. തനിക്ക് മരണം വരെ സുഖമായി ജീവിക്കാൻ ഇതു തന്നെ ധാരാളമാണ് എന്ന് മനസ്സിലാക്കിയ അയാൾ ഒരു വലിയ ബംഗ്ലാവ് വാങ്ങി. ഇനി കച്ചവടമെല്ലാം നിറുത്തി വിശ്രമ ജീവിതം നയിക്കാമെന്ന് അയാൾ തീരുമാനിച്ചു. എന്നാൽ, ദൗർഭാഗ്യകരം എന്ന് പറയട്ടെ, പുതിയ വീട്ടിൽ താമസമാക്കിയ അന്ന് രാത്രി തന്നെ മരണത്തിന്റെ മാലാഖ അയാളുടെ റൂഹ്‌ പിടിക്കാനെത്തി. ഇതറിഞ്ഞ് പരിഭ്രാന്തനായ അയാൾ മാലാഖയോട് കേണപേക്ഷിച്ചു. എന്നെ ഇന്ന് കൊണ്ട് പോകരുത്. എനിക്ക് ജീവിക്കാൻ ഒരു മൂന്ന് ദിവസമെങ്കിലും തരൂ.. അതിനു പകരമായി എന്റെ സ്വത്തിന്റെ മൂന്നിലൊന്ന് ഞാൻ നിങ്ങൾക്ക് നൽകാം. മാലാഖ സമ്മതിച്ചില്ല.  അപ്പോൾ അയാൾ ദുഃഖത്തോടെ പറഞ്ഞു: എന്റെ മുതലിന്റെ പകുതിയും ഞാൻ നിങ്ങൾക്ക് നൽകാം. പകരം എനിക്കൊരു രണ്ട് ദിവസം തരൂ.. മാലാഖ അതും സമ്മതിച്ചില്ല. അപ്പോൾ അയാൾ പറഞ്ഞു, ഞാനെന്റെ സമ്പത്ത് മുഴുവൻ നിങ്ങൾക്ക് നൽകാം. ഒരേ ഒരു ദിവസമെങ്ക...

ഒന്ന് ഒരു പ്രണയി തന്റെ പ്രണയിനിയുടെ വാതിലിൽ മുട്ടി. അകത്തുനിന്നും ചോദ്യമുയർന്നു. നീ ആരാണ്? അപ്പോൾ പ്രണയി പ്രതിവചിച്ചു: ഞാനാണ്, നിന്നെ എത്രയോ സ്നേഹിക്കുന്ന നിൻ്റെ ഇഷ്ടൻ.  മറുപടിയായി പ്രണയിനി പറഞ്ഞു: പ്രണയത്തിന്റെ ഈ വീട് വളരെ ചെറുതാണ്. അതിൽ രണ്ടു പേർക്ക് താമസിക്കാൻ ഇടമില്ല. ഒരാൾക്ക് നിൽക്കാനുള്ള വിസ്തൃതിയേ ഉള്ളൂ. അങ്ങനെ വാതിൽ തുറക്കപ്പെട്ടില്ല.  നിരാശയോടെ അയാൾ വനാന്തരങ്ങളിലേക്കോടി. ആ വിജനതയിൽ അയാൾ കഠിന തപസ്സിരുന്നു. ഒരുപാട് കാലം ധ്യാനനിരതനായി ജീവിച്ചു. അയാൾ ഒരു കാര്യം മാത്രമാണ് പ്രാർത്ഥിച്ചത്.  എൻറെ പ്രണയനാഥാ.. എന്നിലെ എന്നെ നീ ഇല്ലായ്മ ചെയ്ത് എന്നെ നീ നിന്നിൽ ലയിപ്പിക്കണേ..   ഒരുപാട് പൗർണമികൾ അസ്തമിച്ചു. മാസങ്ങളും വർഷങ്ങളും കഴിഞ്ഞു. അങ്ങനെ വീണ്ടുമൊരിക്കൽ അയാൾ തൻറെ പ്രണയഭാജനത്തിന്റെ കതകിനരികിലെത്തി. പ്രണയ സാന്ദ്രമായ ഹൃദയത്തോടെ അദ്ദേഹം കതകിൽ മുട്ടി.  ചോദിക്കപ്പെട്ടു, ആരാണു നീ. അപ്പോൾ അയാൾ മറുപടി പറഞ്ഞു: ഇത് നീ തന്നെയാണ്.   വാതിലുകൾ മലർക്കെ തുറക്കപ്പെട്ടു. തൻറെ പ്രണയഭാജനത്തിൽ അയാൾ അലിഞ്ഞുചേർന്നു. രണ്ട് അറേബ്യൻ പ...

         ഒരു പ്രണയി തൻറെ പ്രണയഭാജനത്തെ കുറിച്ച് പേമകാവ്യങ്ങൾ രചിച്ചതിനുശേഷം അതൊന്നു വായിച്ചു കേൾപ്പിക്കാനായി അനുരാഗിയുടെ ചാരെയെത്തി. ശേഷം അയാൾ ആ കാവ്യം ആലപിക്കാൻ തുടങ്ങി.      കവിതയിൽ ഉടനീളം പ്രണയിനിയുടെ വർണ്ണനകളായിരുന്നു. അതിൽ അനുരാഗിയുടെ രൂപഭംഗിയും മറ്റു വിശേഷണങ്ങളും അയാൾ ഉൾക്കൊള്ളിച്ചിരുന്നു.      അപ്പോൾ അനുരാഗി പറഞ്ഞു: നീ എന്നെയല്ല പ്രണയിക്കുന്നത്. നീ പ്രേമിക്കുന്നത് നിൻറെ മനോവികാരങ്ങളെ മാത്രമാണ്. നിനക്ക് എന്നിൽ നിന്നും എന്തോ ചില കാര്യലാഭങ്ങൾ ലഭിക്കാനുണ്ട്. എൻറെ സൗന്ദര്യം നിൻറെ കണ്ണുകൾക്ക് ആനന്ദം നൽകുന്നുണ്ട്. എൻറെ സാമീപ്യം നിന്നെ എങ്ങനെയൊക്കെയോ സന്തോഷിപ്പിക്കുന്നുണ്ട്.          നിനക്ക് എന്നിൽ നിന്ന് ലഭിക്കുന്ന സന്തോഷവും സംതൃപ്തിയും മാത്രമാണ് നിനക്കെന്നോട് തോന്നുന്ന പ്രണയത്തിനുള്ള ഹേതു. നീ എന്ന നിന്റെയുള്ളിലെ ഈഗോയാണ് നിന്റെയും എന്റെയും ഇടയിലുള്ള ഏക മറ. അതുകൊണ്ട്, നീ എന്നെ പ്രണയിക്കുന്നുവെങ്കിൽ നിൻറെ ആശകൾ മാറ്റിവെച്ച് അവിടെ എന്നെ പ്രതിഷ്ടിക്കുക.        ...

                  ഒരിക്കൽ ഒരു രാജാവിന് തന്ത്രജ്ഞാനിയും ദൈവഭക്തനുമായ ഒരു മന്ത്രിയുണ്ടായിരുന്നു. അദ്ദേഹത്തിൻറെ പ്രത്യേകത എന്തെന്നാൽ, സൃഷ്ടാവ് വിധിച്ചിട്ടുള്ള എല്ലാം സൃഷ്ടിയുടെ നന്മക്ക് വേണ്ടി മാത്രമാണ് എന്നായിരുന്നു അദ്ദേഹം വിശ്വസിച്ചിരുന്നത്. അതുകൊണ്ടുതന്നെ എന്ത് ബുദ്ധിമുട്ടോ അനിഷ്ടകരമായ കാര്യങ്ങളോ സംഭവിച്ചാൽ മന്ത്രി "ലഅല്ലഹു ഖൈർ" (അത് നല്ലതിനായിരിക്കാം) എന്ന് പറയും.       അങ്ങനെയിരിക്കെ, അദ്ദേഹം ഒരിക്കൽ രാജാവിൻറെ കൂടെ വേട്ടയാടാൻ കാട്ടിലേക്ക് പുറപ്പെട്ടു. യാത്രക്കിടേ രാജാവിനോ അദ്ദേഹത്തിനോ എന്ത് ബുദ്ധിമുട്ട് സംഭവിച്ചാലും അദ്ദേഹം 'എല്ലാം നല്ലതിന്' എന്ന്. അങ്ങനെ വേട്ടക്കിടെ രാജാവിൻറെ കൈവിരലിൽ അമ്പ് തറച്ച് മുറിവായി. രക്തം ധാര ധാരയായി ഒഴുകുന്നുണ്ട്. അസഹ്യമായ വേദന യെ പറ്റി മന്ത്രിയോട് രാജാവ് പറഞ്ഞപ്പോൾ അപ്പോഴും മന്ത്രി പറഞ്ഞു എല്ലാം നല്ലതിന് വേണ്ടിയാണ്. മന്ത്രി രാജാവിനെ കൊട്ടാര ഭിഷഗ്വരന്റെ അരികിലെത്തിച്ചു. പരിശോധനയ്ക്കുശേഷം വൈദ്യൻ പറഞ്ഞു: കൈവിരൽ മുറിച്ചു കളയണം. മുറിച്ചു കളഞ്ഞില്ലെങ്കിൽ ശരീരത്തിലെ മറ്റ...

          ഒരിക്കൽ ഒരു സൂഫി ഗുരുവും തൻറെ മോനും കഴുതപ്പുറത്ത് സഞ്ചരിക്കുകയായിരുന്നു. അങ്ങനെ അവർ ഒരുപാട് ദൂരം യാത്ര ചെയ്തു. യാത്രക്കിടെ അവർ ഒരു ചെറുപട്ടണത്തിൽ പ്രവേശിച്ചു. കുറച്ചു സമയം കഴിഞ്ഞപ്പോൾ, വഴിയരികിൽ ഇരിക്കുന്ന ചില ആളുകൾ അവരോട് ചോദിച്ചു, നിങ്ങളെ കണ്ടിട്ട് സൂഫി ദർവീശുകളെ പോലെ തോന്നുന്നുണ്ട്. പക്ഷേ, പറഞ്ഞിട്ടെന്ത് കാര്യം! നിങ്ങൾക്ക് സൂഫികൾക്കുള്ള ഒരു സ്വഭാവവും ഇല്ലല്ലോ.. നിങ്ങളിൽ തീരെ കരുണ ഞങ്ങൾക്ക് കാണാൻ കഴിയുന്നില്ല. നിങ്ങൾക്കത് ദയയില്ല. കാരണം, പാവം ആ കഴുതയുടെ മേലെ നിങ്ങൾ രണ്ടുപേരും യാത്ര ചെയ്യുന്നത് എത്ര കഷ്ടമാണ്. അതെത്ര ക്ഷീണിച്ചിട്ടുണ്ടാവും? ഇതുകേട്ട് ഗുരു മോനോട് പറഞ്ഞു, കുറച്ചപ്പുറത്തെത്തിയാൽ ഞാൻ ഇറങ്ങി നടക്കാം. മോൻ കഴുതപ്പുറത്തുതന്നെ ഇരുന്നോളൂ. അല്പസമയം കഴിഞ്ഞപ്പോൾ അദ്ദേഹം ഇറങ്ങി കഴുതയുടെ കടിഞ്ഞാൺ പിടിച്ചു നടക്കാൻ തുടങ്ങി.    അങ്ങനെ അവർ വീണ്ടും യാത്ര തുടർന്നു. കുറച്ചു സമയങ്ങൾക്കു ശേഷം, അവർ അടുത്ത ബസാറിൽ എത്തി. അപ്പോൾ അവിടെയും ചിലയാളുകൾ ഇരിക്കുന്നുണ്ട്. അവർ കഴുതപ്പുറത്തിരിക്കുന്ന മോനെ നോക്കി മുഖം ചുളിച്ചു. എന്...

                   ഒരിക്കൽ ഒരാൾ തൻറെ ജീവിത പ്രാരാബ്ദം കാരണം നാടുവിടാൻ തീരുമാനിച്ചു. സാധാരണ കൂലിപ്പണി ചെയ്തൊന്നും ജീവിതം മുന്നോട്ടു കൊണ്ടു പോകാനാവില്ല, വല്ല നിധിയും കിട്ടിയാലേ ജീവിതം തിരിച്ചുപിടിക്കാനാകൂ എന്നയാൾ വിശ്വസിച്ചു.      കെട്ട് പ്രായമെത്തിയ രണ്ട് പെൺമക്കളും ചെറിയ ഒരു മഴയിൽ പോലും ചോർന്നൊലിക്കുന്ന തൻറെ വീടും ചോരനീരാക്കിയുള്ള തന്റെ ദൈനംദിന ജോലിയും അയാൾക്ക് മടുത്തിരുന്നു. അതിനെല്ലാമുപരി, സ്വന്തം കുടുംബത്തിന്റെ കുത്തുവാക്കുകളും അയാളെ വല്ലാതെ തളർത്തി.         അങ്ങനെ, ഒരു പാട് ദിവസത്തെ മാനസിക തയ്യാറെടുപ്പിന് ശേഷം ആരോടും മിണ്ടാതെ ഒരു ദിവസം രാത്രി കുടുംബം ഉറങ്ങി കിടന്നപ്പോൾ അയാൾ വീടുവിട്ടിറങ്ങി. ആൽക്കമിസ്റ്റിലെ സാൻഡിയാഗോയെ പോലെ നിധി കിട്ടണം എന്നതായിരുന്നു അയാളുടെ ലക്ഷ്യം. ഒരുപാട് ദിവസം പലയിടങ്ങളിലായി അയാൾ അലഞ്ഞു നടന്നു. നിധിയെ കുറിച്ച് പലരോടും അന്വേഷിച്ചു.            സൂഫീ ഗുരുക്കന്മാരെയും സന്യാസിമാരെയുമൊക്കെ അയാൾ സമീപിച്ചു. നിധി എവിടെയെങ്കിലും ഉണ്ടെങ്കിൽ അറി...