ആത്മാവിൻറെ മറ
ആത്മാവിന്റെ മറ (ഹിജാബ്) - ഗുരു ഇബ്നു അജീബ (റ) വിശദീകരിക്കുന്നു ഒരു സാധകൻ ഏകാന്തതയോടൊപ്പം മൗനം, വിശപ്പ്, ഉറക്കമില്ലായ്മ എന്നിവയും കൂട്ടിച്ചേർത്തു ജീവിക്കുകയാണെങ്കിൽ, അവന്റെ വിലായത്ത് (ആത്മീയ ഔന്നത്യം) പൂർണ്ണമാവുകയും, ദൈവീക പരിഗണന (ഇനായത്ത്) അവനിൽ പ്രകടമാവുകയും, പ്രകാശങ്ങൾ (അൻവാർ) അവന്റെ മേൽ ഉദിച്ചുയരുകയും, അവന്റെ ഹൃദയമാകുന്ന കണ്ണാടിയിൽ നിന്ന് ലോകവസ്തുക്കളുടെ (അഗ്‌യാർ) രൂപങ്ങൾ മാഞ്ഞുപോവുകയും ചെയ്യും. ഇതിനെ സൂചിപ്പിച്ചുകൊണ്ട് ശൈഖ് ഇബ്നു അതാഇല്ലാഹി സിക്കന്ദരി (റ), അവിടുത്തെ വിശ്വപ്രസിദ്ധ ഗ്രന്ഥമായ "ഹികമിൽ" ഇതിന്റെ വിപരീത അവസ്ഥയെപ്പറ്റി അത്ഭുതത്തോടെ ചോദിക്കുന്നു: كيف يشرق قلب صور الأكوان منطبعة في مرآته ؟ "[ലോകവസ്തുക്കളുടെ രൂപങ്ങൾ അതിന്റെ കണ്ണാടിയിൽ പതിഞ്ഞ ഹൃദയത്തിന് എങ്ങനെ പ്രകാശിക്കാൻ കഴിയും?]" ഞാൻ (ഇബ്നു അജീബ (റ)) പറയുന്നു: മനുഷ്യന്റെ ഹൃദയത്തെ അല്ലാഹു മിനുസമുള്ള ഒരു കണ്ണാടി പോലെയാക്കിയിരിക്കുന്നു. അതിന്റെ മുന്നിൽ വരുന്നതെല്ലാം അതിൽ പതിയും. അതിന് ഒരൊറ്റ ദിശ മാത്രമേയുള്ളൂ. അല്ലാഹു ഒരു അടിമയെ അവന്റെ പരിപാലനത്തിനായി തിരഞ്ഞെടുക്കാൻ ഉദ്ദേശിച്ചാൽ, - അവന്റെ ചിന...