നിന്നെ
പരിഭ്രമത്തിലാഴ്തുന്ന നിന്റെ നഫ്സെന്ന
മത്സ്യത്തിൽ നിന്ന്
നീ രക്ഷനേടുക.
എന്നാൽ നിനക്ക്
യൂനുസ് പ്രവാചകൻ
കൈവരിച്ച
ആത്മാനന്ദത്തിന്റെ
ലോകത്ത് വസിക്കാം.
_ഫരീദുദ്ധീൻ അത്താർ (റ)
_________________________
(37)
ഒരാളുടെ
ജീവിത ലക്ഷ്യം
തന്റെ വയർ നിറക്കുക
എന്നത് മാത്രമെങ്കിൽ
അവന്റെ വില
ആ വയറിൽ നിന്നും
പുറത്ത് വരുന്നതിന്റത്രയേ ഒള്ളൂ...
_ ഇമാം ഗസ്സാലി (റ)
_________________________
(38)
ദിവ്യജ്ഞാനത്തിന്റെ
വഴിയിൽ
നീ പ്രവേശിച്ചാൽ
ഖിദ്ർ പ്രവാചകർ
നിനക്ക്
മൃതസഞ്ജീവനി
(മാഉൽ ഹയാത്) നൽകും.
_ മൻത്വിഖു ത്വൈർ
_________________________
(39)
ഉവൈസുൽ ഖർനി(റ)
ഓരോ ദിവസവും
തനിക്ക് മിച്ചം
വന്ന ഭക്ഷണവും
വസ്ത്രവും
ധർമ്മം ചെയ്യുമായിരുന്നു.
ശേഷം പ്രാർത്ഥിക്കും,
നാഥാ, ഇന്ന് ഇനി
ആരെങ്കിലും
വിശന്ന് മരിച്ചാൽ
എന്നെ നീ
ശിക്ഷിക്കരുതേ...
അരെങ്കിലും
നഗ്നത മറക്കാനാവാതെ
മരിച്ചാലും എന്നെ
ശിക്ഷിക്കരുതേ...
_________________________
(40)
എനിക്ക്
പക്ഷികൾ പാടുന്നത്
പോലെ പാടണം.
മറ്റുള്ളവർ
എന്ത് കേൾക്കും,
അവർ എന്ത്
ചിന്തിക്കും
എന്ന് വ്യാകുലപ്പെടാതെ...
_ റൂമി (റ)
_________________________
No comments:
Post a Comment
🌹🌷