ഖലീഫാ ഉമറി (റ) ന്റെ നീതിബോധം | A Story of Khalifa Umar | Alif Ahad

നീതിമാനായ ഭരണാധികാരി എന്ന നാമത്തിൽ ലോക പ്രസിദ്ധി നേടിയവരാണല്ലോ ഖലീഫ ഉമർ(റ) 

അദ്ധേഹം പ്രജകളുടെ ക്ഷേമാന്വേഷണത്തിനായി രാത്രി കാലങ്ങളിൽ തെരുവീഥികളിലൂടെ വേഷ പ്രച്ഛന്നനായി നടക്കാറുണ്ടായിരുന്നു. 

ഒരു രാത്രി മഹാനുഭാവൻ ഒരു വഴിയിലൂടെ നടന്നു പോകുമ്പോൾ ആരോ ഒരാൾ പാട്ട് പാടുന്നത് കേട്ടു. 

അതൊരു വീട്ടിൽ നിന്നായിരുന്നു. എന്താണവിടെ നടക്കുന്നത് എന്നറിയാൻ അദ്ധേഹം മതിലിനിടയിലൂടെ നോക്കി.

അപ്പോൾ അദ്ധേഹം കണ്ട കാഴ്ച, ആ വീട്ടുകാരൻ മദ്യപിച്ചു കൊണ്ടിരിക്കുകയാണ്. മദ്യപിച്ച് മത്ത് പിടിച്ച് അയാൾ പാട്ടുപാടുകയാണ്.

 

സാമൂഹ്യ വിപത്തായ മദ്യപാനത്തെ വളരെ വലിയ കുറ്റകരമായാണ് അറേബ്യൻ ലോ കണക്കാക്കിയിരുന്നത്. അവിടുത്തെ നിയമ പ്രകാരം മദ്യപിച്ചവനെ 40 ചാട്ടയടിക്കണം എന്നാണ്.

ഖലീഫ ഉച്ചത്തിൽ വിളിച്ചു പറഞ്ഞു: ഏയ് മനുഷ്യാ, വിശുദ്ധ ഖുർആൻ വിലക്കിയ മദ്യം കഴിക്കാൻ നിനക്ക് നാണമില്ലേ?

പ്രപഞ്ചനാഥൻ നീ ചെയ്യുന്ന ദോഷങ്ങൾ കാണുകയില്ല എന്നാണോ നീ ധരിക്കുന്നത്?

ഉടനെ ആ വ്യക്തി ഖലീഫയോട് പറഞ്ഞു: ഓ, അമീറുൽ മുഅ്മിനീൻ, ഞാൻ ഒരു തെറ്റ് ചെയ്തു. അത് ഞാൻ സമ്മതിക്കുകയും ചെയ്യുന്നു.

എന്നാൽ നിങ്ങൾ എന്നെ കുറ്റപ്പെടുത്തുന്നതോടൊപ്പം തന്നെ, നിങ്ങൾ മൂന്ന് തെറ്റുകൾ ചെയ്തു. അവയോർത്ത് നിങ്ങൾ പശ്ചാതപിക്കുന്നുണ്ടോ?

ആശ്ചര്യത്തോടെ ഖലീഫ ചോദിച്ചു: എന്ത് തെറ്റുകളാണ് ഞാൻ ചെയ്തത്?

അയാൾ പറഞ്ഞു: പ്രവാചകൻ ഒളിഞ്ഞ് കേൾക്കുന്നത് വിലക്കിയ കാര്യമാണ്. നിങ്ങൾ അത് ചെയ്തു.

വിശുദ്ധ ഖുർആൻ പറയുന്നു, നിങ്ങൾ ഒരു വീട്ടിലേക്ക് പ്രവേശിക്കുന്നതിന് മുമ്പ് ആ വീട്ടുകാരോട് അഭിവാദ്യം ചെയ്തിട്ടേ പ്രവേശിക്കാവൂ..

എന്നാൽ നിങ്ങൾ എന്നെ അഭിവാദ്യം ചെയ്തില്ല.

പിന്നെ, ഒരാളുടെ വീട്ടിലേക്ക് പ്രവേശിക്കേണ്ടത് അതിന്റെ മുഖ്യ കവാടത്തിലൂടെയാണ്. എന്നാൽ അതും നിങ്ങളിൽ നിന്ന് ഉണ്ടായില്ല.

ഇത് കേട്ടപ്പോൾ മഹാനായ ഖലീഫ അയാളെ വെറുതെ വിട്ടു.

യഥാർത്ഥത്തിൽ വലിയൊരു സാംറാജ്യത്തിന്റെ ഭരണാധികാരിക്ക് മുമ്പിൽ ഈ ചോദ്യങ്ങൾക്കൊന്നും പ്രസക്‌തിയില്ല. സാധാരണയിൽ, മറ്റൊരു ഭരണാധികാരിയോടാണ് അയാൾ ഈ കുറ്റപ്പെടുത്തലുകൾ നടത്തിയിരുന്നെങ്കിൽ അയാൾ അർഹിക്കുന്ന ശിക്ഷയേക്കാൾ വലിയ ശിക്ഷ അയാൾക്ക് ലഭിക്കുമായിരുന്നു.

എന്നാൽ, വലിയൊരു തെറ്റ് ചെയ്തിട്ട് ഖലീഫയുടെ ശിക്ഷയിൽ നിന്ന് ഒഴിവാകാൻ വേണ്ടിയുള്ള അയാളുടെ തന്ത്രമായിരുന്നു അയാളവിടെ ഉപയോഗിച്ചത് എന്ന് അറിഞ്ഞിട്ടും ഖലീഫ അയാളെ വെറുതെ വിട്ടു.

കാരണം അദ്ധേഹം പുണ്യ പ്രവാചകരുടെ ശിഷ്യരിൽ രണ്ടാമനാണ്. 

അവരെല്ലാം ആത്മജ്ഞാനികളായിരുന്നല്ലോ. 

സ്വന്തം ഈഗോക്ക് വേണ്ടി അവർ ഒന്നും ചെയ്തില്ല. അവർക്ക് ലഭിച്ച അധികാരം അനീതി ചെയ്യാൻ അവർ ഉപയോഗിച്ചില്ല. 

അധികാരം അവരെ അഹങ്കാരിയാക്കിയില്ല.

താഴ്മയോടെ തല കുനിച്ച് നടന്നു. ധിക്കാരികൾക്കും അനീതി ചെയ്യുന്നവർക്കും മുമ്പിൾ മാത്രം അവർ നെഞ്ച് വിടർത്തി ധീരതയോടെ ഉറച്ച് നിന്നു.

വലിയൊരു സാംറാജ്യത്തിന്റെ അധിപനായിട്ട് പോലും ഒരു കൊട്ടാരം പണിതില്ല. ഈത്തപ്പനയോല മേഞ്ഞ വീട്ടിൽ താമസിച്ചു. ഓലപ്പായയിൽ അന്തിയുറങ്ങി. യാത്രയിൽ ക്ഷീണിച്ചപ്പോൾ പൊള്ളുന്ന മണലിൽ ഈന്തമരങ്ങളുടെ തണലിൽ കൈ തലയിണയാക്കി വിശ്രമിച്ചു.

കഥയിലെ മദ്യപാനിയെ അദ്ധേഹം ശിക്ഷിക്കാതെ വെറുതെ വിടാനുള്ള കാരണവും മറ്റുള്ളവരുടെ ന്യൂനതയെക്കാളുപരി സന്തം ന്യൂനതകളിലുള്ള അവരുടെ ശ്രദ്ധയായിരുന്നു.

നീതിമാനായ നാഥന്റെ പ്രണയം ലഭിക്കാൻ സദാ നീതി ബോധത്തോടെ കഴിയണം എന്നവർക്കറിയാമായിരുന്നു.

അതവർ ലോകത്തെ പഠിപ്പിക്കുകയായിരുന്നു.

ഞാൻ ഒരു വിദ്യാർത്ഥിയാണ് | Free Persian Language Course in Malayalam | Let's Learn Persian | Alif Ahad Academy

പേർഷ്യൻ ഭാഷയിൽ ഞാൻ എന്നതിന് من (മൻ) എന്നാണ് പറയുക എന്ന് കഴിഞ്ഞ പാഠത്തിൽ നാം പഠിച്ചു.

ഇനി അതു വച്ച് ചില ഉദാഹരണങ്ങൾ കൂടി പഠിച്ച് പരിശീലിച്ചാൽ من എന്നത് നാം പിന്നെ ഒരിക്കലും മറക്കില്ല.

വായിക്കുന്നതോടൊപ്പം എഴുതുക കൂടി ചെയ്താൽ നമുക്ക് പെട്ടന്ന് പഠിച്ചെടുക്കാം.

ഉദാഹരണങ്ങൾ:

من دانشجو هستم

_മൻ ദാനിശ്ജൂ ഹസ്തം

(ഞാൻ ഒരു വിദ്യാർത്ഥിയാണ്)

________________________

من معلم هستم

_മൻ മുഅല്ലിം ഹസ്തം

(ഞാൻ ഒരു അധ്യാപകനാണ്)

________________________

من راننده هستم

_മൻ റാനെന്തെ ഹസ്തം

(ഞാൻ ഒരു ഡ്രൈവറാണ്)

________________________

من پسر هستم

_മൻ പെസർ ഹസ്തം

(ഞാൻ ഒരു ആൺകുട്ടിയാണ്)

________________________

من دختر هستم

_മൻ ദൊഹ്‌തർ ഹസ്തം

(ഞാൻ ഒരു പെൺകുട്ടിയാണ്)

________________________

من زن هستم

_മൻ Zaaൻ ഹസ്തം

(ഞാൻ ഒരു സ്ത്രീയാണ്)

________________________

من مرد هستم

_മൻ മർദ് ഹസ്തം

(ഞാൻ ഒരു പുരുഷനാണ്)

____________________

കഴിഞ്ഞ ദിവസത്തെ ഭാഗം (#2) വായിക്കാത്തവർ ഇവിടെ ക്ലിക് ചെയ്യുക.

ഒരു കാര്യം പ്രത്യേകം ശ്രദ്ധിക്കുക!!

ആകുന്നു' എന്നതിന് است (അസ്ത്) എന്നാണ് പറയുക.

എന്നാൽ من എന്ന സർവ്വനാമത്തിന്റെ കൂടെ است വരുമ്പോൾ അലിഫിന് പകരം തുടക്കത്തിൽ ഹാ' ചേർത്ത് അതിന്റെ അവസാനത്തിൽ നാം ഒരു "م" (മീം) ചേർത്ത് കൊടുക്കണം.

അങ്ങനെയാണ് (ഹസ്തം) هستم എന്ന് രൂപാന്തരപ്പെടുന്നത്.

അടുത്ത ക്ലാസുകളിൽ ഒന്നുകൂടി വ്യക്തമാകും.

നന്നായി മനസ്സിലാകുന്നത് വരെ വായിക്കുക.

ഈ ഭാഗം വ്യക്തമായാൽ നാം പഠിച്ച ഉദാഹരണങ്ങളിൽ നിങ്ങൾക്കിഷ്ടമുള്ള ഒന്ന് കമന്റ് ബോക്സിൽ എഴുതുക.

സീരിയസായി പഠിക്കുന്നവർക്ക് വേണ്ടി, പഠിച്ച ഭാഗങ്ങളെ അടിസ്ഥാനമാക്കി ആഴ്ചയിലൊരിക്കൽ ഒരു Online Test ഉണ്ടായിരിക്കുന്നതാണ്.

നന്ദി.

"ചെയ്യാറില്ലേ" എന്ന് എങ്ങനെ ഇംഗ്ലീഷിൽ ചോദിക്കാം? | പ്രയോഗങ്ങളിലൂടെ ഇംഗ്ലീഷ് പഠിക്കാം - 4 | Let's Learn English | Free Spoken English Course in Malayalam | Daily English Classes | Alif Ahad Academy

പ്രയോഗങ്ങളിലൂടെ ഇംഗ്ലീഷ് പഠിക്കാം - 4

ചെയ്യാറില്ലേ എന്ന ചോദ്യത്തിനും ചെയ്യാറുണ്ടോ എന്ന ചോദ്യത്തിനും ഒരേ ഉത്തരമായിരിക്കാമെങ്കിൽ വ്യത്യസ്ഥ സാഹചര്യങ്ങളിലാണ് നാം ഇവ ഉപയോഗിക്കാറുള്ളത്.

നീ ചെയ്യാറില്ലേ?

നീ ഇപ്പോഴും ചെയ്യാറില്ലേ?

നീ ചെയ്യാറുണ്ടോ?

നീ ഇപ്പോഴും ചെയ്യാറില്ലേ?

ഇവയൊക്കെയും നാം മുകളിൽ വായിച്ച പോലെ വ്യത്യസ്ത അർത്ഥങ്ങളെയാണ് സൂചിപ്പിക്കുന്നത്.

ഇന്ന് നമുക്ക് 'ചെയ്യാറില്ലേ' എന്ന് എങ്ങനെ ഇംഗ്ലീഷിൽ ചോദിക്കാം എന്ന് നോക്കാം.

ഇതിനു മുമ്പ് നാം പഠിച്ച മൂന്ന് പ്രയോഗങ്ങൾ നല്ലപോലെ മനസ്സിലാക്കിയിട്ടുണ്ടെങ്കിൽ നമുക്ക് ഇതും വളരെ പെട്ടന്ന് തന്നെ മനസ്സിലാക്കാം.

കഴിഞ്ഞ ദിവസത്തെ ഭാഗം (#3) വായിക്കാത്തവർ ഇവിടെ ക്ലിക് ചെയ്യുക.

'ചെയ്യാറുണ്ടോ' എന്ന പ്രയോഗം പഠിക്കാൻ വേണ്ടി നാം ഉപയോഗിച്ച അതേ ഉദാഹരണങ്ങൾ തന്നെ നമുക്ക് നോക്കാം. വളരെ പെട്ടന്ന് മനസ്സിലാവാൻ വേണ്ടിയാണിത്.

Do you sleep early? : നീ നേരത്തെ ഉറങ്ങാറുണ്ടോ?

Does he read newspaper? : അവൻ പത്രം വായിക്കാറുണ്ടോ?

ഈ രണ്ട് ഉദാഹരണങ്ങളിൽ ചെയ്യാറുണ്ടോ എന്ന് ചോദിക്കാൻ Do അല്ലെങ്കിൽ Does എന്ന വാക്ക് തുടക്കത്തിൽ ചേർക്കുകയാണ് ചെയ്തത്.

ഇനി അവയെ ചെയ്യാറില്ലേ എന്ന അർത്ഥത്തിലേക്ക് കൊണ്ട് വരാൻ വളരെ എളുപ്പമാണ്.

 Do എന്നതിനെ Don't എന്നും Does എന്നതിനെ Doesn't എന്നും ആക്കി മാറ്റിയാൽ സംഗതി തീർന്നു.

Don't എന്നത് Do + not ആണ് എന്നത് ഓർത്തു വെക്കുക.

ഇനി ഉദാഹരണങ്ങൾ നോക്കാം.

Don't you sleep early? : നീ നേരത്തെ ഉറങ്ങാറില്ലേ?

Don't they wake up early? : അവർ നേരത്തെ എണീക്കാറില്ലേ?

Doesn't she sing? : അവൾ പാട്ട് പാടാറില്ലേ?

Doesn't he read newspaper? : അവൻ പത്രം വായിക്കാറില്ലേ?

എല്ലാവർ വ്യക്തമായി എന്ന് വിചാരിക്കുന്നു.

മനസ്സിലായി എങ്കിൽ Study, Laugh എന്നീ ക്രിയകൾ വച്ച് ഉദാഹരണങ്ങൾ കമന്റ് ബോക്സിൽ എഴുതുക.

സീരിയസായി പഠിക്കുന്നവർക്ക് വേണ്ടി, പഠിച്ച ഭാഗങ്ങളെ അടിസ്ഥാനമാക്കി ആഴ്ചയിലൊരിക്കൽ ഒരു Online Test ഉണ്ടായിരിക്കുന്നതാണ്.

നന്ദി.

സൂഫികളുടെ മൊഴിമുത്തുകൾ (211-215) || Sufi Quotes in Malayalam || Alif Ahad | Imam Ali | ഇമാം അലി | അബുത്തുറാബ് നഖ്ശബീ | സിർരിയ്യു സിഖ്ത്വി | ായസീദുൽ ബിസ്ത്വാമി

(211)

ഒരാൾ

സത്യസന്ധമായി

ഒരു 

നന്മ

ചെയ്യാൻ

ഉദ്ധേശിച്ചാൽ

അവനത്

പ്രവവർത്തിക്കുന്നതിന്

മുമ്പ് 

തന്നെ

അതിന്റെ

മാധുര്യം

അനുഭവിച്ച്

തുടങ്ങും.

_ അബുത്തുറാബ് നഖ്ശബീ (റ)

_________________________

(212)

ഒരാൾ

ചോദിച്ചു:

മരണത്തേക്കാൾ

വേദനയേറിയ

മറ്റെന്തെങ്കിലും

ഉണ്ടോ?

ഉണ്ട്.

അനുരാഗികളുടെ

വേർപാട്

മരണത്തെക്കാൾ

വേദനാജനകമാണ്.

ഇമാം അലി (റ)

_________________________

(213)

നാല് 

കാര്യങ്ങൾ

ഒരാളെ

ഉന്നതങ്ങളിലേക്ക്

ഉയർത്തും...

വിജ്ഞാനം

അച്ചടക്കം

വിശ്വസ്തത

ചാരിത്രശുദ്ധി

"അച്ചടക്കമാണ്

ബുദ്ധിയുടെ

പരിഭാഷകൻ"

_ സിർരിയ്യു സിഖ്ത്വി (റ)

_________________________

(214)

എനിക്ക്

നാളെ

നാഥന്റെയരികിൽ

ശുപാർശ 

ചെയ്യാനുള്ള

അനുവാദം

ലഭിച്ചാൽ

ഞാൻ 

ആദ്യം

ശുപാർശ

ചെയ്യുക,

എന്നെ 

ബുദ്ധിമുട്ടിച്ചവർക്കും

എന്നോട്

പരുഷമായി

പെരുമാറിവർക്കും

വേണ്ടിയായിരിക്കും.

പിന്നെ 

ഞാൻ

എനിക്ക്

നന്മ 

ചെയ്തവർക്കും

എന്നോട്

ബഹുമാനത്തോടെ

പെരുമാറിയവർക്കും

ശുപാർശ 

ചെയ്യും.

_ ബായസീദുൽ ബിസ്ത്വാമി (റ)

_________________________

(215)

ജനങ്ങളെല്ലാം

നാളെ

വിചാരണയെ

ഭയന്ന്

ഓടുന്ന 

നേരം

ഞാൻ

ആഗ്രഹിച്ചുകൊണ്ടിരി

ക്കുകയായിരിക്കും,

ആ 

നാഥന്റെ

വിളിക്കായ്,

എന്റെ

അടിമകളേ

എന്ന 

വിളിക്കായ്...

ആ 

വിളി 

കേൾക്കുന്ന 

നേരം

എനിക്ക് 

പറയണം

നാഥാ...

ലബ്ബൈയ്ക്...

പിന്നെ,

അതിനു 

ശേഷം

അവനിഷ്ടമുള്ളത്

എനിക്കായ്

അവൻ

പ്രവർത്തിക്കും.

_ ബായസീദുൽ ബിസ്ത്വാമി (റ)

_________________________

ഞാൻ, നീ, അവർ - പേർഷ്യൻ ഭാഷയിൽ എങ്ങനെ പറയാം | Free Persian Course in Malayalam | Alif Ahad Academy

ഫാർസിയിൽ ഞാനെന്നും എങ്ങനെ പറയാം?

من (മൻ) : ഞാൻ

ما (മാ) : ഞങ്ങൾ

او (ഊ) : അവൻ

او (ഊ) : അവൾ

آنها / ايشان (ആൻഹാ/ ഈശാൻ) : അവർ

تو (തോ) : നീ

شما (ശുമാ) : നിങ്ങൾ

പത്ത് പ്രാവശ്യം വായിക്കുകയും 

മന: പാഠമാക്കുകയും ചെയ്യുക. 

ശേഷം ഈ വാക്കുകളിൽ നിങ്ങൾക്ക് തീരെ പരിചയം തോന്നാത്ത ഒരു വാക്ക് കമന്റ് ബോക്സിൽ എഴുതുക.

ആ വാക്ക് പിന്നീട് നിങ്ങൾ മറക്കാതിരിക്കട്ടെ.

പ്രത്യേകം ശ്രദ്ധിക്കുക!

അവൻ എന്നതിനും അവൾ എന്നതിനും പേർഷ്യൻ ഭാഷയിൽ او (ഊ) എന്ന് തന്നെയാണ് പറയുക.

എന്നാൽ آنها (ആൻഹാ) എന്നതിന്റെയും, ايشان (ഈശാൻ) എന്നതിന്റെയും അർത്ഥം 'അവർ' എന്ന് തന്നെയാണ്.

അവൻ എന്നതിനും അവൾ എന്നതിനും പേർഷ്യൻ ഭാഷയിൽ او (ഊ) എന്ന് തന്നെയാണ് പറയുക.

പേർഷ്യൻ അക്ഷരങ്ങൾ പഠിക്കാൻ ഇവിടെ ക്ലിക് ചെയ്യുക.

എന്നാൽ آنها (ആൻഹാ) എന്നതിന്റെയും, ايشان (ഈശാൻ) എന്നതിന്റെയും അർത്ഥം 'അവർ' എന്ന് തന്നെയാണ്.

നീ (ഏകവചനം) എന്നതിന് تو (തോ) എന്നു പറയും. ഉർദു ഭാഷയിലെ 'തൂ' എന്നതിനോട് കണക്ട് ചെയ്താൽ മനസ്സിലാക്കാൻ എളുപ്പമാകും.

ഒന്നിലധികം ആളുകളോട് 'നിങ്ങൾ' എന്ന് പറയാൻ شما (ശുമാ) എന്ന് ഉപയോഗിക്കാൻ മറക്കരുത്.

ഒരു വ്യക്തിയെ ബഹുമാനിക്കാൻ വേണ്ടിയും شما എന്ന് ഉപയോഗിക്കും.

നന്ദി.

"ചെയ്യാറുണ്ടോ" എന്ന് എങ്ങനെ ഇംഗ്ലീഷിൽ ചോദിക്കാം? | പ്രയോഗങ്ങളിലൂടെ ഇംഗ്ലീഷ് പഠിക്കാം - 3 | Let's Learn English | Spoken English Course in Malayalam | Daily English Classes | Alif Ahad Academy

പ്രയോഗങ്ങളിലൂടെ ഇംഗ്ലീഷ് പഠിക്കാം - 3

"ചെയ്യാറുണ്ടോ" എന്ന ചോദ്യം നാം പലപ്പോഴും ചോദിക്കുന്ന ഒരു ചോദ്യമാണ്.

അതെങ്ങനെ ഇംഗ്ലീഷിൽ ചോദിക്കാമെന്ന് നോക്കാം.

നീ നേരെത്തേ എണീക്കാറുണ്ടോ?

നീ എന്നും രാവിലെ നടക്കാറുണ്ടോ? പോലെയുള്ള ഉദാഹരണങ്ങളിൽ നിന്നും ആ പ്രയോഗത്തിന്റെ ശരിരായ ഉപയോം നമുക്ക് മനസ്സിലാക്കാം.

കഴിഞ്ഞ ദിവസങ്ങളിൽ നാം പഠിച്ച 'ചെയ്യാറുണ്ട്', 'ചെയ്യാറില്ല' എന്നീ പ്രയോഗങ്ങൾ മനസ്സിലാക്കിയവർക്ക് ഇന്ന് നാം പഠിക്കാൻ പോകുന്ന പ്രയോഗവും എളുപ്പത്തിൽ ഗ്രഹിക്കാനാകും.

കഴിഞ്ഞ ദിവസത്തെ ഭാഗം (#1) വായിക്കാത്തവർ ഇവിടെ ക്ലിക് ചെയ്യുക.

ആദ്യം നമുക്ക് നാം പൊതുവെ ഉപയോഗിക്കാറുള്ള ചില ക്രിയകൾ നോക്കാം.

Sleep : ഉറങ്ങുക

Wake up : ഉണർന്നെഴുന്നേൽക്കുക

Sing : പാട്ട് പാടുക

Read : വായിക്കുക

Love : സ്നേഹിക്കുക

ഇനി ഇതിലേക്ക് എന്നെയോ, നിങ്ങളെയോ, അവളെയോ, അവനെയോ മറ്റാരെങ്കിലുമൊക്കെയോ ചേർക്കുന്നതിന് മുമ്പ് Do അല്ലെങ്കിൽ Does എന്ന് കൂടി ചേർത്താൽ "ചെയ്യാറുണ്ടോ" എന്ന അർത്ഥം ലഭിക്കും.

Do you sleep early? : നീ നേരത്തെ ഉറങ്ങാറുണ്ടോ?

Do they wake up early? : അവർ നേരത്തെ എണീക്കാറുണ്ടോ?

പ്രത്യേകം ശ്രദ്ധിക്കുക!!

Does she sing? : അവൾ പാട്ട് പാടാറുണ്ടോ?

Does he read newspaper : അവൻ പത്രം വായിക്കാറുണ്ടോ?

നോക്കൂ,

He, She, It എന്നിവക്ക് ശേഷം വരുന്ന കിയകളിൽ നാം 's' ചേർക്കാറുണ്ടായിരുന്നു.

എന്നാൽ ഇന്ന് നാം He, She, It എന്നിവക്ക് ശേഷം വന്ന കിയകളിൽ 's' ചേർത്തില്ല.

കാരണം അതിന് പകരം ക്രിയക്ക് മുമ്പിൽ 'Does' എന്ന് ചേർത്തിട്ടുണ്ടല്ലോ...

(ഈ ഭാഗം വ്യക്തമായി എങ്കിൽ നിങ്ങൾക്കിഷ്ടമുള്ള ക്രിയകൾ വച്ച് വാക്യങ്ങൾ നിർമ്മിച്ച് കമന്റ് ബോക്സിൽ എഴുതി പ്രാക്ടീസ് ചെയ്യുക..)

സീരിയസായി പഠിക്കുന്നവർക്ക് വേണ്ടി, പഠിച്ച ഭാഗങ്ങളെ അടിസ്ഥാനമാക്കി ആഴ്ചയിലൊരിക്കൽ ഒരു Online Test ഉണ്ടായിരിക്കുന്നതാണ്.

സ്നേഹം,

നന്ദി.

സൂഫികളുടെ മൊഴിമുത്തുകൾ (206-210) || Sufi Quotes in Malayalam || Alif Ahad | Rumi | Ibn Arabi | റൂമി | ഇബ്നു അറബി | ഹമ്മാദുദ്ദബ്ബാസ് | ബായസീദുൽ ബിസ്ത്വാമി

(206)

നിശ്ചയദാർഢ്യം

കൊണ്ട്

(യഖീൻ)

നിങ്ങൾ

നിങ്ങളുടെ

ഹൃദയത്തെ

ശുദ്ധിയാക്കുക.

കാരണം

ആ 

ഹൃദയത്തിൽ

ഹൃദയനാഥന്റെ

മുൻനിശ്ചയങ്ങൾ

മുറുമറുപ്പില്ലാതെ

ഒഴുകി 

നടക്കട്ടെ.

_ ഹമ്മാദുദ്ദബ്ബാസ് (റ)

_________________________

(207)

നിങ്ങൾ 

ഒരു

വൃക്ഷം

പോലെയാവുക.

അങ്ങിനെ

നിങ്ങളിലെ

നിർജ്ജീവമായ

ഇലകൾ

കൊഴിഞ്ഞു

വീഴട്ടെ.

_ റൂമി (റ)

_________________________

(208)

നിങ്ങൾക്കായ് 

ചെയ്യപ്പെടേണ്ട

കാര്യങ്ങൾക്ക് 

മുമ്പിൽ 

സമ്മതത്തോടെ 

നിന്നു 

കൊടുക്കുകയും

നിങ്ങൾ 

ചെയ്യേണ്ട 

കാര്യങ്ങൾ

നിങ്ങൾ 

തന്നെ 

ചെയ്യലുമാണ് 

സൂഫിസം

_ ഇബ്റാഹീം അൽ-ഖവ്വാസ് (റ)

_________________________

(209)

എന്നിലെ

ഓരോ

അംശവും

പൂർണ്ണ

മുകുളിതമാണല്ലോ.

പിന്നെന്തിനു

ഞാൻ

അസന്തുഷ്ടനാവണം?

_ റൂമി (റ)

_________________________

(210)

വല്ലവരും 

ആയതുപോലെ 

ആവാതെ

നീ 

എങ്ങനെയാണോ

അങ്ങനെ

ആവുക. 

നീ 

കേട്ടത് 

പറയരുത്. 

വല്ലവരും 

പറയുന്നതൊക്കെ 

കേൾക്കുകയും 

അരുത്.

നീ

കരഞ്ഞുകൊണ്ട്

ജനിച്ചുവീണപ്പോൾ

ചുറ്റും 

കൂടിയവർ

ചിരിച്ചു.

ഇനി

ചുറ്റും 

കൂടിയവർ

കരയുമ്പോൾ

നീ

ചിരിച്ചുകൊണ്ട്

മരിക്കുക.

_ ഇമാം അലി (റ)

_________________________

പേർഷ്യൻ അക്ഷരമാല | Let's learn Persian | ഫാർസി ഭാഷ പഠിക്കാം | Persian letters | Alif Ahad Academy

പേർഷ്യൻ ഭാഷയിലെ അക്ഷരങ്ങളുടെ ശബ്ദങ്ങൾ പൂർണ്ണമായും മലയാളത്തിലോ ഇംഗ്ലീഷിലോ എഴുതുക സാധ്യമല്ല. 

അറബി / ഉർദു അക്ഷരങ്ങൾ ആദ്യമേ അറിയുന്നവർക്ക് ഒരു പ്രാവശ്യം കണ്ണോടിച്ചാൽ തന്നെ ഫാർസി അക്ഷരങ്ങളും ഹൃദിസ്ഥമാക്കാം.

അലിഫ് : ا

ബെ : ب

പെ : پ

തെ : ت 

സെ : ث

ജീം : ج

ചെ : چ

ഹെ : ح

ഖ്‌ഹെ : خ

ദാൽ : د

Zaൽ : ذ

റെ : ر

Ze : ز

ഴെ : ژ

സീൻ : س

ശീൻ : ش

സ്വാദ് : ص

Zwad : ض 

ത്വാ : ط 

Za : ظ

ഐൻ : ع

ഗ്വൈൻ : غ

ഫെ : ف

ഖാഫ് : ق

കാഫ് : كـ

ഗാഫ് : گ

ലാം : ل

മീം : م

നൂൻ : ن

വാവ് : و

ഹെ : هـ

യെ : ي

"ചെയ്യാറില്ല" എന്ന് എങ്ങനെ ഇംഗ്ലീഷിൽ പറയാം? | പ്രയോഗങ്ങളിലൂടെ ഇംഗ്ലീഷ് പഠിക്കാം - 2 | Spoken English Course | Daily English | Alif Ahad Academy | Let's Learn English

പ്രയോഗങ്ങളിലൂടെ ഇംഗ്ലീഷ് പഠിക്കാം - 2

"ചെയ്യാറില്ല" എന്ന് എങ്ങനെ ഇംഗ്ലീഷിൽ പറയാം എന്നാണ് ഇന്ന് നാം പഠിക്കുന്നത്. 

കഴിഞ്ഞ ദിവസം നാം പ്രാക്ടീസ് ചെയ്തത് ചെയ്യാറുണ്ട് എന്ന് എങ്ങിനെ ഇംഗ്ലീഷിൽ പറയാം എന്നതായിരുന്നു.

അത് കൃത്യമായി പഠിച്ചവർക്ക് ഈ പ്രയോഗവും വളരെ ഈസിയായി പഠിക്കാം.

കഴിഞ്ഞ ദിവസത്തെ ഭാഗം (#1) വായിക്കാത്തവർ ഇവിടെ ക്ലിക് ചെയ്യുക.

നമുക്ക് കഴിഞ്ഞ ദിവസം പ്രാക്ടീസ് ചെയ്ത ഉദാഹരണങ്ങൾ തന്നെ എടുക്കാം.

Drive : വണ്ടിയോടിക്കുക

Write : എഴുതുക

Drink : കുടിക്കുക

Run : ഓടുക

Eat : തിന്നുക

ഇനി ഇതിലേക്ക് എന്നെയോ, നിങ്ങളെയോ, അവളെയോ, അവനെയോ മറ്റാരെങ്കിലുമൊക്കെയോ ചേർത്തതിന് ശേഷം Don't അല്ലെങ്കിൽ Doesn't എന്ന് കൂടി ചേർത്താൽ "ചെയ്യാറില്ല" എന്നായി.

I don't drive : ഞാൻ വണ്ടിയോടിക്കാറില്ല.

You don't write : നീ എഴുതാറില്ല.

They don't drink tea : അവർ ചായ കുടിക്കാറില്ല.

We don't play cricket : ഞങ്ങൾ ക്രിക്കറ്റ് കളിക്കാറില്ല.

(ശ്രദ്ധിക്കുക! കഴിഞ്ഞ ദിവസം കമന്റ് ബോക്സിൽ പ്രാക്ടീസ് ചെയ്ത ചിലർ I writes പോലെ I എന്നതിന് ശേഷം 's' എന്ന് ചേർത്തതായി കണ്ടു. I, You, They, We, എന്നതിന് ശേഷമുള്ള ക്രിയയിൽ 's' കൊണ്ടുവരരുത്. ഇനി ശ്രദ്ധിക്കുമല്ലോ..)

He doesn't run : അവൻ ഓടാറില്ല.

She doesn't come : അവൾ വരാറില്ല.

It doesn't jump : ഇത് ചാടാറില്ല.

My cat doesn't eat : എന്റെ പൂച്ച ഭംക്ഷണം കഴിക്കാറില്ല.

"ചെയ്യാറുണ്ട്" എന്ന് പറയാൻ വേണ്ടി He, She, It, ഏതെങ്കിലും ഒരാളുടെ/ ഒരു വസ്തുവിന്റെ പേരിന് ശേഷം 's' ചേർത്തതിന് പകരം "ചെയ്യാറില്ല" എന്ന് പറയാൻ He, She, It, ഏതെങ്കിലും ഒരാളുടെ/ ഒരു വസ്തുവിന്റെ പേരിന് ശേഷം Doesn't എന്നാണ് ചേർക്കേണ്ടത്.

ഈ ഭാഗം വ്യക്തമായി എങ്കിൽ നിങ്ങൾക്കിഷ്ടമുള്ള ക്രിയകൾ വച്ച് വാക്യങ്ങൾ നിർമ്മിച്ച് കമന്റ് ബോക്സിൽ എഴുതി പ്രാക്ടീസ് ചെയ്യുക.

നിങ്ങളുടെ സംശയങ്ങളും നിർദ്ദേശങ്ങളും കമന്റ് ബോക്സിൽ എഴുതാം.

നന്ദി..

സൂഫികളുടെ മൊഴിമുത്തുകൾ (201-205) || Sufi Quotes in Malayalam || Alif Ahad | Rumi | Ibn Arabi | റൂമി | ഇബ്നു അറബി | ഹമ്മാദുദ്ദബ്ബാസ് | ബായസീദുൽ ബിസ്ത്വാമി

(201)

ഒരാൾ 

ഒരു 

സത്-വചനം

കേട്ടത്

അതിനെ ജനങ്ങളിലേക്ക്

എത്തിക്കണം

എന്ന 

ഉദ്ദേശത്തോടെയാണങ്കിൽ

ജനങ്ങളോട്

സംസാരിക്കുവാനുള്ള

ഒരു 

കഴിവും

ഗ്രാഹ്യശേഷിയും

അവന്

നാഥൻ

നൽകും.

ഇനി 

ഒരാൾ

ഒരു 

സത്-വചനം

കേട്ടത്

അത് 

വച്ച്

പ്രപഞ്ചനാഥനിഷ്ടമുള്ളത്

പ്രവർത്തിക്കാമല്ലോ

എന്ന ഉദ്ദേശത്തോടെയെങ്കിൽ

നാഥനോട്

സംവദിക്കുവാനുള്ള

വൈഭവവും

ഗ്രാഹ്യശേഷിയും

നാഥൻ

അവന്

നൽകും.

_ ബായസീദുൽ ബിസ്ത്വാമി(റ)

_________________________

(202)

പ്രപഞ്ചനാഥൻ

അവന്റെ

ഇഷ്ടദാസരുടെ

ഹൃദയങ്ങളിൽ

വെളിപ്പെടും.

അപ്പോൾ

ആത്മജ്ഞാനത്തെ

പൂർണ്ണമായും

വഹിക്കാൻ

പ്രാപ്തരല്ലാത്തവർ

അവരിലുണ്ടാവും.

അവർ

ആരാധനകളിൽ

മാത്രം

മുഴുകും.

_ ബായസീദുൽ ബിസ്ത്വാമി (റ)

_________________________

(203)

നിങ്ങൾ,

പ്രവാചകർ

നൂഹിനെപോലെ(അ)

അതിബൃഹത്തും

വിഡ്ഢിത്തവുമായ 

പദ്ധതികൾ

ആരംഭിക്കുക.

അതൊന്നും

ആളുകളുടെ 

നിങ്ങളെക്കുറിച്ചുള്ള

ധാരണകളിൾ

ഒരു 

വ്യത്യാസവും

വരുത്തില്ല.

_ റൂമി (റ)

_________________________

(204)

എന്നിഷ്ട 

മിത്രമേ...

ഞാൻ 

നിന്നെ

പലപ്പോഴായി 

വിളിച്ചു

പക്ഷേ, 

നീ 

എന്നെ

കേട്ടതേയില്ല. 

ഞാൻ 

പല 

പ്രാവശ്യം 

നിൻറെ 

മുമ്പിൽ 

പ്രത്യക്ഷപ്പെട്ടു 

എങ്കിലും, 

നീയെന്നെ

കണ്ടതേയില്ല.

ഞാനെന്റെ

പരിമളം 

കൂടെക്കൂടെ 

പ്രസരിപ്പിച്ചു.

എന്നിട്ടും 

നിനക്കെന്റെ 

സുഗന്ധം 

അനുഭവിക്കാനായില്ല.

ഇബ്നു അറബി (റ)

_________________________

(205)

പ്രപഞ്ചനാഥനിലേക്കുള്ള

ഏറ്റവും 

നല്ല 

എളുപ്പമുള്ള 

വഴി

അവനോടുള്ള

അനുരാഗമാണ്.

അനുരാഗി

നഫ്സില്ലാതെ

റൂഹായി 

അവശേഷിക്കുന്നത് വരെ

അവന്റെ 

പ്രണയം

തിളക്കമുറ്റതാവില്ല.

മാത്രമല്ല,

നഫ്സുണ്ടായിരിക്കെ

അവന് 

തന്റെ

ഹൃദയനാഥന്റെ

പ്രണയം

അനുഭവിക്കാനേ 

കഴിയില്ല.

_ ഹമ്മാദുദ്ദബ്ബാസ് (റ)

_________________________

ചെയ്യാറുണ്ട് എന്ന് എങ്ങനെ ഇംഗ്ലീഷിൽ പറയാം? | പ്രയോഗങ്ങളിലൂടെ ഇംഗ്ലീഷ് പഠിക്കാം - 1 | Alif Ahad

പ്രയോഗങ്ങളിലൂടെ ഇംഗ്ലീഷ് പഠിക്കാം - 1

ചെയ്യാറുണ്ട് എന്ന് എങ്ങനെ ഇംഗ്ലീഷിൽ പറയാം?

പതിവായി / ഇടക്കിടെ ചെയ്യുന്ന കാര്യങ്ങളെ കുറിച്ച് പറയാൻ വേണ്ടിയാണല്ലോ

"ചെയ്യാറുണ്ട്" എന്ന വാക്യം നാം ഉപയോഗിക്കാറുള്ളത്.

'ചെയ്യാറുണ്ട്' എന്ന് ഇംഗ്ലീഷിൽ എങ്ങനെ പറയാം എന്നാണ് നാം ഇന്ന് പഠിക്കുന്നത്.

ഇത് വളരെ സിംപിളാണ്.

ഇത് പഠിക്കാൻ വേണ്ടി നാം ചെയ്യേണ്ടത് ഇത്രമാത്രം.

നിങ്ങൾക്കറിയാവുന്ന 5 ഇംഗ്ലീഷ് ക്രിയകൾ ഓർത്തു നോക്കുക. അതിലേക്ക് ing, ed പോലെയുളള ഒന്നും നിങ്ങളുടെ വകയായി ചേർക്കരുത്.

ഉദാഹരണങ്ങൾ:

Drive : വണ്ടിയോടിക്കുക

Write : എഴുതുക

Drink : കുടിക്കുക

Run : ഓടുക

Eat : തിന്നുക

ഇനി ഇതിലേക്ക് എന്നെയോ, നിങ്ങളെയോ, അവളെയോ, അവനെയോ മറ്റാരെങ്കിലുമൊക്കെയോ ചേർത്താൽ ചെയ്യാറുണ്ട് എന്നായി.

നമുക്ക് പറഞ്ഞ് നോക്കാം.

I drive : ഞാൻ വണ്ടിയോടിക്കാറുണ്ട്.

You write : നീ എഴുതാറുണ്ട്.

They drink tea : അവർ ചായ കുടിക്കാറുണ്ട്.

We play cricket : ഞങ്ങൾ ക്രിക്കറ്റ് കളിക്കാറുണ്ട്.

ശ്രദ്ധിക്കുക!!

He runs : അവൻ ഓടാറുണ്ട്.

She comes : അവൾ വരാറുണ്ട്.

It jumps : ഇത് ചാടാറുണ്ട്.

Cat eats : പൂച്ച തിന്നാറുണ്ട്.

He, She, It, ഏതെങ്കിലും ഒരാളുടെ/ ഒരു വസ്തുവിന്റെ പേരിന് ശേഷം 's' ചേർക്കാൻ മറക്കരുത്.

ഈ ഭാഗം ക്ലിയറായി എങ്കിൽ നിങ്ങൾക്കിഷ്ടമുള്ള ക്രിയകൾ വച്ച് വാക്യങ്ങൾ നിർമ്മിക്കുക.

ശേഷം കമന്റ് ബോക്സിൽ എഴുതി പ്രാക്ടീസ് ചെയ്യുക.